لك .. وينكو ؟ [الأرشيف]

الياس زاديكه

22-02-2006, 01:41 AM

لك وينكو ياكاتبي الزجل
أنا بنطر للمسا ماليش عجل
يلي يتحدى راح جيبلو الأجل
وبوقعو عالارض متل العجل
بحور الزجل مني بترتوي
يالي مو عاجبو يعطيني خبر

fouadzadieke

22-02-2006, 09:44 PM

مهلك علينا يا بطل

فايدك أرينا إل?طل

أينا ليجي يكتب زجل

يعدي عدو يمشي عجل

جاب الحكي إلنا البطل

الياس ويتحدّا الأجل

ماكو ولا واحد عِقل

كل مِنْ إجا صابو الهبل

يظرب أخونا فال?طل

يهري حمامات وحجل

هازا سلامي عالعجل.

الياس زاديكه

22-02-2006, 10:19 PM

سلامك وصل من زمان
يالي بقلبي لهو مكان
وقف فؤاد لا تدخلش لحدود
الياس بينطرك أو معاه عود
ال?طل مابيستعملش بلحدود
بضربك عود مابخليكش تعود

georgette

22-02-2006, 10:25 PM

بقبقوكات الربيع --- الياس -- ومني ايبيع
__________________________
اجا اخونا قال بدو زجل
جربنا طلعت ريحتن كما الفجل
خلينا نحني نكتب عالمصايب
وانت يا بطل اعمل العجايب

fouadzadieke

22-02-2006, 10:26 PM

يا ساتر يا بو العود .. زيّقت علينا لحدود

وتليت عينينا بارود .. وأرينا شيرات و أسود

دخيلك ودخيل ألله عود .. ودقّ شوية علعود

وغنّي شآرام أش موجود .. بلكي يفرح (جان) ويعود.

الياس زاديكه

22-02-2006, 10:35 PM

والله..والله لو صرت عصفور
راح جيلك وبصير زرزور
وبنزلك من السما ياعصفور
لو صرت أسد بياكلك الزرزور

الزجل بدو من يزجلو
مافي حدا غيري بيزجلو
لموا حالكوا وعندي تعو
وتعلمو إخوتي كيف تزجلو

الياس زاديكه

23-02-2006, 02:54 PM

جورجيت كلام الزجل له أصول
أكتبي بس لاتحكي إلا بالمعقول
أنتي زاجلة أو بنت أصول
هاتي لي عندك لاتخليني أقول

fouadzadieke

23-02-2006, 07:19 PM

زاد الزّجل وتعلّم فنونو

البدا غزل ما ترتخي عيونو

ما في وجل ينهزّ بغصونو

هات البدل تستاهل جفونو

كلّك عمل والقلب مخزونو

خلّي العجل ينفشّ بجنونو.

إنت البطل والكلّ نعنونو!

الياس زاديكه

23-02-2006, 07:59 PM

أنا بكتب الزجل بفنونو
متل البحر بيهيج بجنونو
متل النبع بينبع من عيونو
ويخبر العشاق بهمومو

SamiraZadieke

23-02-2006, 08:10 PM

يامزجلين زجلولنا غنية
مفرفشة بطيبة مسوية
ومدلعنة بحروف مضوية
عالميجانا والدلعونا البهية
ويلا فينا همتكن المحمية
يامزجلين زجلولنا غنية
سميرة

الياس زاديكه

23-02-2006, 08:22 PM

عاناده إلعونا أو عاناده إلعونا
جيبي زوجكي أو تاعو أسماعونا
بنحطكن بقلبنا أو جوات عيونا
نحني نغني أو إنتو إسماعونا

fouadzadieke

23-02-2006, 08:24 PM

بحر الزجل ما هان تقطيعو

وغصن الحلا ما بان تفريعو

لحن الزجل بالطيب تدليعو

نعطي الغنا للغير تتبيعو!

الياس زاديكه

23-02-2006, 08:31 PM

كلامك حلو عالعين والراس
أنا بيع الزجل بس بإخلاص
لا تنزعل أو لاتحقد عاألياس
بجبك هو مغرم إلى الراس

fouadzadieke

23-02-2006, 08:49 PM

ما في زعل يا حضرة الجنرال

كل الحلو بيلبقلو وبينقال

أحلا أماني نرسلا أحمال

كلاّ محبّه ومفخرة يا خال

كلّك رجولة وسيّد الّرجال.

SamiraZadieke

23-02-2006, 08:59 PM

الله يحميكم ياأطياب
والمغنى معاكم بالصدق هاب
والهوى عاخدودنا هدهد وذاب
والزجل بفنونو هلل وطاب
من فؤاد اللحن ومن الياس الرباب
ونقرا ونستمتع بالهوى الخلاب
والعدرا تحميكم من الأذى ياأحباب

fouadzadieke

23-02-2006, 09:06 PM

شعرك جميل وحاسس بروحو

حاسس بريقو ولوعة جروحو

ردّي سميرة للهوى روحو

يسلم كلامك رقّتو تبوحو

وكل الهنا موصوف بشروحو.

الياس زاديكه

23-02-2006, 09:13 PM

شو هالكلام ياأخ؟ويابنة العم
القلب والله انزاح عنو الغم
كلامكن بلسم الجرح بيه إلتم
أو تمشى بشراييني متل الدم

fouadzadieke

23-02-2006, 09:25 PM

فيك الهنا والخير يا الياس

ما في حدا يقدر يعلّي الرّاس

شعرك هرانا كوّنو الإحساس

ألله يزيدك ويقوى فيك الباس

حطلك حبيبي هونه قرمه وفاس

وعمّق فأرظا وطيلع الآساس

هيك الزجل يحلا ورك ينباس.

SamiraZadieke

23-02-2006, 09:30 PM

الياسي موطلع معك راس
وقعت بين ال?اكو? والفاس
فؤاد من موظع وانت ياالياس
بس تامسك القلم والقرطاس
واترك القلم يكتب الاحساس
فانت والفؤاد عالعين والراس
وانتن بالاصل انتن الاساس

fouadzadieke

23-02-2006, 09:52 PM

شو هالتواضع خجّل الإحساس

وبيّن حقيقة شاعرة قرطاس

أينو أخونا يرفع المسّاس

ويزجل أغاني نغمتا فالراس

الياس زاديكه

23-02-2006, 10:04 PM

أخوك بتعرفو أسمو الياس
حدى ماكسرلو هالراس
ببكس بكسرلو لضراس
وبخليه يطلع عالمعاش

fouadzadieke

23-02-2006, 10:24 PM

ما بق نستجري نطلع .. برّا من خوفك بسّا

وجّعت المعده والرّاس .. والكلمة دلّتْ حسّا

أشقد ننفخ نافوخة .. ألياس ال?ور يفسّا

ودّينا منّك هاوار .. إلى خالونا منسّى.

الياس زاديكه

23-02-2006, 10:43 PM

من الله أنا منفوخ
مويلزمني هيك ?اروخ
بطني وجعت من الخوخ
وطقمي قماشه من ال?وخ
مابشلحو أو لو صرت صاروخ

Fadi

24-02-2006, 03:17 PM

يا فؤاد و يا الياس
صرتن قصة بين الناس

الاول شاعر موهوب
والتاني ذوق واحساس

جلستكن هاي حلوة كتير
ينقصكن بس كاس و طاس

السلطة على ام نبيل
والشوي على ام فرانس

حبينا نجرب روحنا
ومسكنا بيدنا قرطاس

مو نطلع نقطة فبحركن
نحنا فرع وانتو اساس

سلام تعظيم للجنرال
ولفؤاد المتل الالماس

SamiraZadieke

24-02-2006, 03:31 PM

الله يافادي الحبيب على قلوبنا انت قدا وقدود سلمت يداك سيفرح فؤاد عندما يقرأ تعليقك ولك مكانة مميزة بقلب فؤاد على ذكائك وهدوئك تحيات للعروسة ولك ولازم تفرحنا ببيبي

سميرة

georgette

24-02-2006, 07:26 PM

يا سلام اخي فادي يسلموا ايديك يارب
وكلماتك حلوة ومذوقة وصدقني متل ما قالت سميرة // قدها وقدود//

fouadzadieke

24-02-2006, 08:04 PM

أحلا فادي ولبّ الفاد

إنت عنتر بن شدّاد

قدّا وقدود وأقداد

برّد ردّك منّي الفاد

متل المغنى فاض وجاد

هات اتحفنا كالمعتاد

يا فادي يا ابن الأجواد.

الياس زاديكه

24-02-2006, 08:39 PM

كلامكن يافادي أو يافؤاد
جوعني ما خلا عندي زاد
حرقتن القصبة والفؤاد
أنتم الأصل وبكم أقتاد
حبكم لوعني والهوى زاد
بلقائكم أحبتي كالمعتاد
ولي عايز يفرقنا ماجاد
لأن طريقنا طريق الأجداد

دكتور سهيل

24-02-2006, 08:53 PM

يعطيكم العافية اخوان
والله انا ما اعرف أزجل كويس بس عجبني زجلكم وأردت فقط أن أحييكم
ومشكورين

Fadi

25-02-2006, 11:37 AM

بيناتنا وبين كل الناس الله يديم المحبة
هي اللي تعمر البيوت هي اللي تزيد البركة
وتآ لف بين القلوب المتخاصمة والمشتبكة

وصانا فيها المسيح لما سألوه الكتبة
اتحب الله والقريب من كل قلبك و القصبة

ولما تزعل من أخوك وتصير ازمة وتحصل لبكة
عالبيعة خطية تفوت وفجوا قلبك في حسكة

صيلح فالأول أخوك وتناول بعدا وكل بركة
واشكر الله والمسيح ال سامح وهو عالخشبة

يا رب اعطينا السلام و امنحنا النعمة و البركة

وتمر علينا الأيام و المحبة فقلوبنا ملكة