يلاّ يا هلازخ!

[fouadzadieke]

يا هلازخنا الحلوين. كوفتحنا باب شالحكي والحكّويات فاللّهجة الأزخينيّة كما الراد أخونا ?برو عبدو وأخونا الياس زاديكه!
ويجا الله يبارك فكل واحد إيتيق يكتب. ويريد يكتب فلغّة إبواتنا واجدادنا شلاتموت! يلاّ يا شباب فرجونا همّتكن! كل شي (حكّويات - مسلات - زحكويات - كلومات - أخز وعطا - مسلوكات) وغير شي!
فؤاد زاديكه

[الياس زاديكه]

ورك الله لا ينقصك من بيناتنا فؤاد زاديكه .
قربان روحك أسير ، أشقد مليح أنت ، مو تكسر قلب تنيس ، الله يخليك أو يديمك على راس زغاركاتك
أيقن زا الباب تيسير فقوة الله أو ملتنا بوش حلو .

أخوك المغرم بك
ألياس زاديكه

[fouadzadieke]

أخوي الياس

ألله يسمع منّك. ويحط شويّة غيرة فلاشة نيساتنا. شبلكي هما ألله وه انشمّ ريحة آزخ كرتلخ... ته هما حسكي فالحكي والمسلوكات و?يا شيّات. شيرورتك وشيروروة ?برو الله يديمكن! كانت بوووووش مليحة. وعين العقل ته واحد يفتح كما ?يا روظنه وتاقة نري من جوّاتا دويلي آزخ وكافاتا وشحيحيرا و?ولاّتا. الله يبارك فكدكن. ويقوّي همّتكن. وتخلّون إزّا الباب بوش يسع. و إيتيق يعبروا بوش نيس!
فؤاد

[كبرو عبدو من هو لندا]

اعادة مشاركة

جاخل كااروح عل ظيعة واقع خلف هوك الكهرات والودين عل هوك القلاجات اش كهرويني كنتو

اشطوفن ظغاركاتك بيت الله الف كرى معمور
بوش باشا

دليتو عل جم وديتو البراخ معي وعبيتو شانن المي في الدلافات الى شبعو وخلفيني حطيتولن ايم وبعدين خليتون فل شيفيني اشقد طيب كان هوك الايام لما كان نروح قدام الاوروز ونعمر كولكي ونقعد تحتا الشجرة و لما كان نشمر عل جابوقاتنا وندل فهل جم ونمسك سمك
وكان نكرف المي شل سمك يطلعو ولما كان نروح بين هاك الدجلة ونلم قرشكات ونقطع شفكات كا ننفطس من الهلم اشقد كان ننسلق

ولما كا ييجي وقت الجرجر والبغال يطلعو من القوشة وسقاتن كا يتحفو من التعب وكا ندوخ ونعدي قدام الظليل واشقد طيب كان لما كا ييجي وقت الزري والحصاد والمكيزين والقيناغات


مع تحياتي لك

اخوك
كبرو عبدو

[الياس زاديكه]

أشطوف أنتن هلازخنا ؟
تعوا نحكي دردنا شبعظ فاشتغاليتنا إل هازخينكي القح .
ألياس

[الياس زاديكه]

قي الكو?رييه موتقول لبني حامظو ؟

ألياس زاديكه

[fouadzadieke]

متل لمحبّه مافي


لمحبّه متل الصحّارْ1 ... ميقَفْ واحدْ علسرّا
تژغلْ2 بلّيلْ وبنهارْ ... مژدوده3 منّا الصرّة.

يا ويلو منْ واحدْ حَبّ ... وِحده و اتقلّى4 بنارا
ميساعد شي غير إلربّ ... تبقا منّو محتارة.

مِنْ حَبّ الإنسانْ إيتوه5 ... عقلو يزغرْ بالمرّة
ميعرفْ إمّو مِنْ أبوه ... يكسرْ مِنْ ?رّو6 الجرّة.

لمحبّه متل البصمارْ7 ... مِنْ دقّيتو مو يطلعْ
يعصا لو سينا هاوارْ8 ... منْ أصارو مو تِقْلعْ.

لمحبّه متل البَرنيطْ9 ... كلما شَمّيتو تِعْطص10
بَسّ تخربط تَخَربيط ... ومنْ غيرو واحد يفطص.

لمحبّه تعمّي العينينْ ... بّسْ كلّ النيس11 تريدا
عِقْدِه وتجمعْ بينْ انتينْ12 ... وهنّه13 يزيدوا تعقيدا.

متل لمحبّه مافي ... الله يصونا و يديما
مّيا14 هينك15 و صافي ... مِنْ يستجري16 تحريما؟

شرح الكلمات:
1 - الساحر. السحّار
2 - تعمل. تتفاعل
3 - مربوطة. مشدودة
4 - تقمّر. انكوى. صار بره صوطكه
5 - لا يهتدي إلى حلّ
6 - صماغ. هياج. فطص. انفعال. عناد
7 - مسمار
8 - العطوس
9 - عطس
10 - نجدة. نداء استغاثة
11 - بشر.خلق. ناس
12 - اثنين
13 - هم (لجمعي المذكر والمؤنث السالمين)
14 - ماؤها
15 - عذب. بارد
16 - يتجرأ. يقدم على فعل الأمر المقصود به القول.

[fouadzadieke]

أيمَتْ أريتْ الكو?ريّه قالتْ لبني حامظو إنتسته ألياس. ألله يخلّيك؟ لا هيّه و لا غيرا يقول: لبني حامظو! كا قالوا. فحياتو نيس ما كا يشتري لبن, والاّ أش تقُول؟؟؟!!!

[الياس زاديكه]

أنا أقول إلي إيكون لبنو حامظ لازم يعرف أو لا إيقندر الملله أو يزحك عليا ، أنت أيش تقول ؟ قي قالوا الكو?رييه أو ما قالوا غير نيس ؟ .
ألياس

[الياس زاديكه]

محبة هلازخنا فالقلبيي ...... إطيلعوا ?اخ الشدي
تنيس ميتق إقولن شي ...... راسن مرفوعوي فكل شي
ياما أو ياما أكلو ظربات ..... من الكو?ر أو الأكراد
ماتاقوا إساوون ناموس .... . إلى ما مسكوا الجاسوس
شيعوا شملتوا مع قتلي ..... . إمدرمن أو قطعولو خصوي
ألياس

[georgette]

اخوي فكرتكن حلوة بس مني ايتيق ايحط راسو فراس الياس وفؤاد وكبرو وملكي ،كخاف اقّوم روحي عليكن ،ما اروح اشتمكن واشتم روحي زي معكن شاكيا تخلي الحلبة فاضية شانكن وانا تقرا وازحك
الله ايقويكن
جورجيت

[fouadzadieke]

الما عندو ألله يعينو


ته يقوّي و?ّو1 الويحد ... أحسنْ ما يبقا2 قيعدْ3

بلكي4 يدبّرلو شغله ... يربحلو قرش يسيعدْ.5


لمعيشه صارتْ صعبه ... لسعار6 انقلبتْ قلبه

صارتْ أخربْ م الحزبه7 ... إلى ما فصّوا8 الرّكبه.


الما9 عندو ألله يعينو ... والعندو يظربْ ظَرْبه

كنّا انكيّف10 فلّقروش ... صارتْ حالتنا صَعبه.


أشقدْ11 لاويحد12 يبكي ... ماكو13 نيس تسيعد نيسْ

الرّاتب ميكفّي سَبْتينْ14 ... هاكو15 مو نرقّع للبيسْ16


شوف الحاله تعبانه ... جيوب العالم فضيانه

كل شي يغلا17 يوم بيوم ... ونصّ18 العالم بِطْرانه.

شرح الكلمات:

1 - وجهه
2 - يظلّ. يمكث
3 - جالس
4 - ربّما. قد. عسى
5 - يفيد. يعاون. يحلّ مشكلا
6 -الأسعار
7 - الحصبة
8 - لم يعد يقوى على الوقوف والمشي
9 - الذي ليس
10 - نسرّ. ننبسط. نفرح. نسعد
11 - مهما
12 - مهما حاول الشخص
13- لا يوجد
14 - أسبوعين
15 - لم يبق شيء لحصول الأمر. تخويف من وقوع الأمر المكره
16 - الكلسون
17 - يرتفع سعره
18 - نصف

[الياس زاديكه]

بعد ما الأويرو أجا ..... الحاله صارت خرا
أسم المصاري أتغير ..... أو كل ويحد يبكي اكتر
بقا لا خوزي فروحو ..... أل ماعندو شي يسندو
تيقع مالقايم عالارظ ...... أو تينداس فكرشو أو ينبط
كلتنا كونصيح هاوارات ... من هلحاله مع حسرات
أين لنروح مافي شغل ..... إقلعونا كما العجل

[fouadzadieke]

طلّع فالدّنيه مَخربْ


طلّعْ فالدّنيه مّخربْ ... كِلْ مالا صارت أخربْ
حقّ ألله ما بقلا بوش ... تِفنى وعلنيسا تخربْ.

ما بقْ شي ته إسمو خيرْ ... لا منْ عندي ولا م الغيرْ
لازم نقعد ونفكّرْ ... نعطي كرّة أش تيسيرْ؟

همّ الدّنيه مالو حدود ... هيكه كنْ قالوا لجدودْ
عمرا البغظة ما عاشتْ ... ولا عمرو زن?نْ حسّود.

ألاّنا روّانا بحورْ ... من خيراتو وعلاّ قصورْ
بسْ يا خصارة فالإنسان ... فيدو دلاّلو صاطور.

بوش انغرّ وصار المال ... دِينو. وقلنا ماشي الحال
بسْ الأخربْ من هازا ... ما بَقْ ربّو يجْ عالبال!

لا بق دين ولا إيمانْ ... بالمرّة ظاع الإنسانْ!
ليريد ايريّح روحو ... إنجيلو أحسنْ درمان!

كل مالا لهموم تزيدْ ... والدنيه ترويك جديدْ
شتغرّك لحظة لزّه ... تظرّك فالايخرْ مو تفيد!

خلّي إيمانك يقوى ... وسيلك شي شغله تسوا
لا تزعف مِنْ صابك شي! ... ربّك مِنْ كل شي أقوى!
في 13/9/1996

[الياس زاديكه]

أهلا هلازخ
ألياس

[SamiraZadieke]

كانوا أجدادنا يقولون( أبرا من المسيح واسناعش تلميذو) ها?ر موصح كاحكي
وكان الناس الغير هلازخ يزحكون عالحكينا ويقولون( ساساو وسيسين بيزة)
وايش تقولكن تي نحكي أزخيني فكرة حلوة والأجمل نقرا أشعار أزخينية من فؤاد والياس ياسلام ياريت الإخوة الأعضاء كمان يشاركون بشان يحلا أكتر!!!
سميرة

[fouadzadieke]

هايه الدنيه يا فلانكيسْ ... موتبقى وتخلد شالنّيسْ

تيجي يومك تتكرتنْ ... وشرشك فلأرظ اينتّنِ

عِظرو ما عندو مزحة ... يقدح من عينو قدحة

مِنْ شفتو بعينك تتموتْ ... وتعبر جوّات التابوتْ

ما عندو بابي ومامي ...يحظرْ متل الحرامي

يحمل روحك ويعلّي ... واللاّشه هَونْ يخلّي

تيقلّك كِنت المخطي ... وكا تقدر ته لا تخطي

وهادا الإنسان الدرويش ...عظروهو متل الشاويش

بلكي مو راصاً تحظرْ ... عند الحاكم المْحَظّرْ

بس تيجي وقتك سَرْبَسْتْ ... يحظر عندو دَستْ و دَستْ

تيروّي قدّامك أيش ... كِنْ سيت وميقللّك شَيش؟

لازم إنتَ كا تعرفْ ... والشّهوة عندك تقرفْ

وتحمد ألله من أوّل ... قُلْ من أوّل عمنوّلْ

كل واحد فينا تيزوق ... هالكاس المرّ المخفوقْ

ونيّالو ليعرف ألله ... ويحفظ شي القالو والله

ميري سفّود ولا نارْ ... والما يفهم يبقى حمارْ

الدّنيه ?ُو?ه وبِطّاله ... فِكْ م البغظة والقاله

واحفظ أش قال المسّيح ... واعمل عمْله فيها مليحْ

مو يغظب ألله منّك ... وميفضّي منّك دنّك

تبقى مرتاح وفرحانْ ... مو متل العند الشّيطانْ!

يتقلّى وتشم كزّيرْ ... وتسمع منّو ويرا ويرْ

حتّى ما نبكي بكرة ... وهادة المقصد والفكرة

رحمة ألله عالإنسانْ ... اليتفهّم قول الرحمانْ

لا تفزع ما كو منّه ... هونك تتحطّ العنّه

ميقرّبْ صوبك شيطانْ ... ولا تشقل?ي ولا زعرانْ

العظرة وكلّ القدّيسينْ ... معْ يسّوعنْ منتظرينْ!

إبن العظرة هوّه الربّ ... يفرح منّك مو يغضبّ

تكسب نفسك فالآخرْ ... أحسن ما إنت تفاخرْ

هونه وهونك متل البوم ... لا كاتصلّي ولا كاتصومْ.

[الياس زاديكه]

أحبائي : ?يروكي زغيري تحكيلكن .

كان في ويحد عجي بوش تشق?لي كان ، كل يوم كا يطلع برا يزرب شازغير أو زغيرين أو يجي عالبيت ، أبوات أزغار المزروبين يجون عند أبو زغير التشقل?ي إقولولو : ها?ي مو يسير كل يوم أبنك يزرب شزغارنا قول شأبنك تي يقعد راحة .
الأبن يجي عالبيت أبوه إقولوا إبني ها?ي ميسير تزرب شالعالم ، الأبن إرجع عالأبوهو أنا موري تنيس
أقوى مني أو لا أرجل مني ، أبوهو قالو : إبني موتزبط عقلك إلى ماتري خوصي السود فوق راسك .
الأبن بلش يزحك عالأبوهو أو طلع برا كما كل كرا يزرب شزا أو شزا .
الأبو عجز من أبنو بوش راد إيبعدو من عالظيعة شوي ، قالو إبني خز اليومي هاك أرڤانت الحنطة أو روح عالطاحوني أطحنا أو تعا .
الأبن أخز ارڤانة الحنطة أو حطا عالحمار أو قال ياالله أين أنت الطاحوني ، زلمتنا وصل الطاحوني
كوفي عشرين ويحد عالدور ، راد إفوت قدام كلتن بلا دور أو يطحن أرڤانتو ، قال شصاحب الطاحوني وقف الطاحوني أو طيلع منا الدقيق أو أطحن ليلي أنا مو تيق أوقف ، صاحب الطاحوني قال ياأبوي مو يسيرهلا مو دورك ، أنبعج الأبن أو وقف الطاحوني ، بلش تيطيلع الدقيق منا ، ويحد عربي أسود مسك إيدو قالو : أخوي وقف ، دقيقي مابقالو بوش تيخلص بعدين حط دقيقك ، زلمتنا كيري روحو قبضاي ، قال نزل أيدك لخو تبط مخك ، العربي إقولوا ياأبوي نحني زي أنسانات نحني متلك وقف عالدورك ، الأبن أنبعج أو علا أيدو تيزرب شالعربي، حست ألحس لا كومطڤز عالأرظ أو العربي كو فوق راسو أو أيدو فقركتو تخنقو ، الأبن طلع من تحت فالعربي أو زحك ، العربي قالوا قي كوتزحك
قال أخوي أنزل من عالراسي أريت خوصي السود فوق راسي ، قام حكى قصتو كلتا شالعربي .

السؤال : من أين أرا الأبن خوصي السود فوق راسو ؟
العربي كان ليبس ?لابيه أو بلا كلسون ،?اخ الوقع الأبن ، الأبن أرا خوصي العربي كيدندلون فوق راسو .
رجع الأبن عالبيت أو راسو مكبوب ، الأبو عرف كوفي شي فالحالي ، الأبو سألو أيش فيك إبني ؟
قالوا بابا سيمحني أريت اليومي خوصي السود فوق راسي ، توبي أو صلاة هالنوبي .

إنشاالله عجبتكن هاي ال?يروكي ؟ من هوني جا مثل * موتعقل إلى ماتري خوصي السود عالراسك *

أخوكم
ألياس

[fouadzadieke]

فمسَلتك ظربتْ عصفورين فحجر. هَم قصّة. وهَم مسَلْ. ألله يقوّيك ويشدّك ولا يرخيك! وتكتّر من هويا المسلوكات إلفين عروق بَلِه عروق! ويجا أش عروق به مرادين!

[الياس زاديكه]

هلازخ صفو عالدور .... تنسيعد فؤادنا ال?ور
هوي شغلو أو عملتو .... بقت يعطينا أفكار
لا نكون ?وصين هلقد.... نقرا أو نسمع أو نقعد
إيد شاروحا مو تسقف ... قوموا هالحوش تنرقف
بشان ما نشمط أو نتزحلق ... والعالم عينا تتبحلق
بس بقا نكزب عالروحنا ..... شاركونا لا تخلونا وحدنا
قولوا أيش عندكن أفكار ..... تنزين هالمنتدى الجبار
تيبقى شانا أو شا أزغارنا .....فهل الدنيي أوهك الدنيي كما النهار

الدنيه فيا الكويس و فيا ال?يس .......... بس لا نخلي يركبنا إبليس
نحن هلازخ منحني دراويش ........... بس يلزم نعرف أشطوف أنعيش
قيمتنا محفوظي أو عيليي ............ أو فالتاريخ مكتوبي أو مبسمري
بس لازم نفتح عينينا ............. أو نعارف النيس علينا

ألياس

[SamiraZadieke]

غنوا معنا ليلي ***ياهالازخ واي واي
غنوا معنا ليلي***ياهالازخ واي اوي
هاتو الدف والدربكة ****يالا قومو عالدبكة
فرجو كل الأهالي***شلون ايديكن مشتبكة
الله يخلي بناتنا****وهويا الحلوين شبابنا
اللي يخلو أفراحنا****وينسونا أحزاننا
ديريك انت بعيوننا***فيك اندفنواجدودنا
وايلا آخر اييمنا***تتبقي حسرة بقلوبنا

ياآزخنا المهجورة***و بأرواحنا مأسورة
وبعقولنا محفورة ***وقلوبنا الك مكسورة
قولو معي يامهاجرين***وانتن متلي مغتربين
تتبقى عيوننا سهرانين***وعالعهد نحني راجعين

[fouadzadieke]

يسلموا إيديك يا ألياس وإيديكي يا سميرة على هويا الكلومات لترضّ الرّوح وتفتح القلب! الله يخلّيكن ويبارك فيكن!

[دكتور سهيل]

يا سلام عليكن يا هلا ازخ
حكوياتكن خلتنا بوش مبسوطين وفرحانين

[fouadzadieke]

اي قّي منه مينبصط منْ حكي هلازخ؟ يا عزيزي دكتور سهيل! كرّات واحد موبس يزحك! ين?رق من الزّحك! وبعدين ما في ناس تجي ترقّعو. ولا تظربو كيليّة فإبرة وخيط! هما طلّع ويجا! وإنت احكم!!!

[fouadzadieke]

كيكو كرّة زغيرين. كيتمشّون مع بعظ. واحد منّن كان أبليس الواحد بلاّف و ?زّاب و تشقل?ي و سرسري بابا حسن و قشمر?ي و زعران وفطن?ي و حسّود و ?رّار و زعبر?ي و ?صّ و بلا وژدان وبلا غيريّه و كلب الناني ناني وفلتان ومو مأدّب (أدب سزّ) و يزحك علأ?بر منّو و وسخ وبه مريس وبلّبور و ?نت و به عرز و عينو ?يسه. واللّخ خطيّه كان آدمي وعاقل ومطيع وسرفراز ومليح وعينو مفتوحة وإيدو نظيفة و كل خاصة مليحة كانت فيو.

ويجا قوللّي أشطوف تيتيقون يتمشّون مع بعظ؟ اليتيق يمشيّن مع بعظ ته يجي يقوللّي!