المساعد الشخصي الرقمي

مشاهدة النسخة كاملة : حزورة بسيطة أحزرها ياشاطر !!!

الياس زاديكه
20-03-2008, 01:24 PM
حزورة بسيطة أحزرها ياشاطر !!!
في صندوق يحتوي على 15 طابه ملونه .. الطابات الصفر أكثر عددا من طابات البرتقالي .. و الطابات الخضر أكثر من طابات الصفر .. و الطابات الزرق أكثر من طابات الخضر .. و الطابات الحمر أكثر من طابات الزرق .. السؤال هو : كم طابة من كل لون موجودة في الصنوق ؟ ؟؟
يلا ياشطار فرجوني شطارتكن فعلا سهلة جدا !!!
تقديري ومحبتي
ألياس
alashoria
20-03-2008, 01:49 PM
السؤال هو : كم طابة من كل لون موجودة في الصنوق ؟ ؟؟
الجواب:خمس طابات موجودين من كل لون
صح؟
الياس زاديكه
20-03-2008, 01:57 PM
الجواب:خمس طابات موجودين من كل لون صح؟
ماتواخديني مو صح .. لأنو الحزورة عم بتقول في بالصندوق 15 طابه والألوان المذكوره هني خمس ألوان أولا : برتقالي وثانيا : أصفر و ثالثا أخضر ورابعا أحمر وخامسا أزرق بقى كيف راح يكون في الصنودق من كل لون خمس طابات معناها راح يصير مجموع الطابات 5 * 5 = 25 طابه وأنا قلت بالصندوق بس 15 طابه ..
تشكري أختنا الآشوريه على مشاركتكي بس مو مشكله حاولي مرة تاني ..
تقديري ومحبتي
ألياس
alashoria
20-03-2008, 02:16 PM
اي فعلا 5*5=25 من اين جبت انا هالرقم اي شو هالغباء هاد
هلأ حضرتك بدك عدد الطابات ولا بدك كم عدد الوان الطابات
خلينا نقول 3 لأنه اذ قلنا 3*3 =15 ايش راح يكون جوابك ياترى مدح ولا ذم؟اكيد هالمرة صح وإلا راح انتحر
وخطيتي في رقبة كل من يكتب حزورات صعبة
الياس زاديكه
20-03-2008, 08:15 PM
خلينا نقول 3 لأنه اذ قلنا 3*3 =15
لاء مو صحيح ياأختنا الآشوريه أرجعي على الحزورة وأقرأيها بتمعن أكيد راح تعرفين الحل مباشرة بعدين كيف راح يكون من كل لون 3 طابات وأنا عم بقول طابات الصفر أكتر من الربتقالي والخضر أكتر من الصفر وهكذا ... أنا بدي كم طابه موجوده في الصندوق من كل لون .. لأنو عدد الطابات مذكور هوي ياللي هني 15 طابه ..
تشكري أختنا الآشوريه على مشاركتكي حاولي مرة تاني ..
تقديري ومحبتي
ألياس
georgette
22-03-2008, 09:10 PM
انا يا غالي طلعت هيك معي
الصفر اكتر من البرتقالي = برتقالي 1 وصفر 2
الخضر اكتر من الصفر = صفر 2 وخضر 3
الزرق اكتر من الخضر = خضر 3 وزرق 4
الحمر اكتر من الزرق = زرق 4 وحمر 5
1 برتقالي + 2 صفر + 3 خضر + 4 زرق + 5 حمر = 15 طابة
انشالله صح
الياس زاديكه
22-03-2008, 09:27 PM
انا يا غالي طلعت هيك معي
الصفر اكتر من البرتقالي = برتقالي 1 وصفر 2
الخضر اكتر من الصفر = صفر 2 وخضر 3
الزرق اكتر من الخضر = خضر 3 وزرق 4
الحمر اكتر من الزرق = زرق 4 وحمر 5
1 برتقالي + 2 صفر + 3 خضر + 4 زرق + 5 حمر = 15 طابة
انشالله صح

أي برافو ياأختي صح وصحيح كمان تشكري يالغاليه على مشاركتكي وحلكي الصحيح والمظبوط ياجورجيت .. مروركي معطر ياجورجيت
تقديري ومحبتي
ألياس