المساعد الشخصي الرقمي

مشاهدة النسخة كاملة : حزورة ناعمه !!!

الياس زاديكه
10-02-2008, 10:39 PM
حزورة ناعمه !!!
في عندنا 49 تفاحة نصفها مقشر والنصف الثاني بدون قشر السؤال :
كم تفاحة بالضبط عندنا بدون قشر؟
alashoria
11-02-2008, 10:27 AM
اذا ناخد تفاحة بالدين فبيصبح عندنا 50 تفاحة بالتمام والكمال
وتصير 25 تفاحة مقشرة و25 غير مقشر
أشلوني معك ؟؟ دي اعطيني هديتي ولا ماعادفي هدايا على حظي.
الياس زاديكه
11-02-2008, 10:37 AM
اذا ناخد تفاحة بالدين فبيصبح عندنا 50 تفاحة بالتمام والكمال
وتصير 25 تفاحة مقشرة و25 غير مقشر
أشلوني معك ؟؟ دي اعطيني هديتي ولا ماعادفي هدايا على حظي.
برافو ياأختنا الآشوريه على تحليلكي الغير مقبول والغلط هههه .... لالالا ماراح ناخد ولا تفاحه من ولا أنسان ورغم هيك جوابنا راح يطلع بالتمام والكمال ... أي مو بالأول أعرفي الحل لحتى تطلبي الهديه ... حاولي مرة أخرى مرورك معطر
تقديري ومحبتي
ألياس
هيلانة زاديكه
11-02-2008, 10:49 AM
اى صدق ايشقت ليفتها فى راسى ما وصلت للجواب ياابن عمى هههههههه
الياس زاديكه
11-02-2008, 10:58 AM
اى صدق ايشقت ليفتها فى راسى ما وصلت للجواب ياابن عمى هههههههه
ههههه ضحكتيني يابنت عمي الغاليه إي طبعا إذا لفيتيها في راسكي راح يتخربط كل شي على بعض وراح يصير التفكير صعب لهل سبب أفتكري على راحتكي بدون ماتلفيها في راسكي ...
مو مشكله تقدرين تحاولين مرة تاني بس بشرط أنو ماتلفيها في راسكي ههههه مروركي معطر
تقديري ومحبتي
ألياس
alashoria
11-02-2008, 10:59 AM
طيب يااستاذ الياس انا راجعت نفسي وقلت لحالي خليني آكل شي تفاحة لحتى يصيرعندنا العدد 48
وبهيك راح يصيروا 24 تفاحة مقشر و24 غير مقشر
لا تقول غلط؟؟
الياس زاديكه
11-02-2008, 11:49 AM
ههههه أي شو هالتحاليل الفلسفيه ياأختنا الآشوريه ؟؟؟ لالالالا ماراح تاكلين لا أنتي ولا نحن لأنو هادول التفاح مال أوقاف هني .. حاولي مرة تاني .. مروركي معطر
تقديري ومحبتي
ألياس
alashoria
11-02-2008, 12:21 PM
طيب يااستاذ الياس
شو رأيك انو نقسم تفاحة الى نصفين ونقشر النصف والنصف التاني نخليه بدون تقشير وبهيك يصير عندنا 24 ونصف تفاحة مقشرين وحلوين ومثلهم غير مقشرين
دي على بختك هالمرة لاتقول غلط؟
الياس زاديكه
11-02-2008, 12:56 PM
دي على بختك هالمرة لاتقول غلط؟
صدقي أختنا الآشوريه مابقدر أخرب بختي وأقولكي جوابكي صحيح هوي لأنو الجواب غلط هوي ..
على كلا تقدرين تحاولين كمان مرة .. أشكر مروركي المعطر ومشاركاتكي
تقديري ومحبتي
ألياس
ISHOR
11-02-2008, 05:28 PM
حبيبي التفاح كله بدون قشر او مقشر

49 تفاحه بدون قشر او مقشر
الياس زاديكه
11-02-2008, 05:49 PM
برافو أخ آشور جواب منطقي وصحيح فعلا عندنا 49 تفاحه مقشرة لأن أنا قلتو نصف التفاح مقشرين والنصف التاني بدون قشر .. وكلمة مقشرين وبدون قشر نفس المعنى هني أي النصف الأول من التفاح مقشر والنصف التاني أيضا مقشر يعني التفاح كلياتهم مقشرين
تشكر يالغالي آشور
تقديري ومحبتي
ألياس
alashoria
13-02-2008, 12:39 PM
اي لكان الجائزة الي انا كمان الحق في نصها
لان انا شاركت بالاجوبة الغلط وآشور شارك بالجواب الصحيح
وهيك هي قسمة الحق ولا ايش تقول استاذنا.
الياس زاديكه
13-02-2008, 12:49 PM
أي أي فعلا يطلعلكي نص الهديه أختنا الآشوريه لأجوبتكي الغلط معناها راح نعطيكي 24 تفاحة ونص مع قشر و24 تفاحة ونص بدون قشر للغالي آشور إنشاء الله تكونون راضيين على هاي الهديه ..
شكرا لتعليقكي المرح أختنا الآشوريه
تقديري ومحبتي
ألياس