قصة لعنة البخيل

[georgette]

قصة لعنة البخيل
كان ياماكان في قديم قديم الزمان كان في مليونير بخيل كتير كتير ،ولانو كان في حفلة كبيرة معزومين فيها كل أكابر وأغنية المحلات ،كان لازم عليو يلبس شي مرتب ولايق بالحفلة ولانو ما بدو يصرف كتير من مصرياتو ،قرر ايروح لمخزن فيو كل شي تحبو النفس ورخيص اكتير بس هاد مخزن للاغراض الملبوسة والقديمة ،لمن دخل على المخزن طلب من صاحبو بدلة مرتبة ورخيصة *انا بدي البسها بس مرة وحدة ومنشان هيك ما بدي ادفع الكتير *
صاحب المخزن فكر شوي ،دخل لجوة وجاب جاكيت قديم بس كتير مرتب وكانو لساتو جديد ،هالمليونير دفع 5 دولارات بالجاكيت وراح على بيتو ،،باليوم التالي حضر حالو واجى على الحفلة ووين ما هو ماشي يتطلع فيو الكل هاد مفكر *اي كلن غيرانين مني ومن جاكيتي*بس الموجودين عم يتطلعو ببعضن ويتسالو *اي ما بتصور انو هوي ما يعرف لمين كانت هالجاكيت* والتاني يتضحك ويقول* ما عليك بكرة تايعرف لمين كانت هالجاكيت* وبالفعل لمن قام الصبح قام على خبرية خسارتو لمصنع من مصانعو ،هاد بلش يسبسب ويبكي على اللعنة الي اجت براسو ،،فكر يتخلص من هالجاكيت عطاها لحفلة تبرعية خيرية فيو يربحها الي يشتري اليانصيب ،،ما راح كتير بالوقت لبين ما ربحها واحد من يوم ولادتو والحظ يمشي معو بس هاد ما لحق يلبسها حتى بلش يخرب بيتو / خسر كل اليانصيب الي كان عندو وسيارتو الجديدة عملت حادث وووو،حس انو الجاكيت هي السبب بكل هالشي قام كبها بالزبل وكمل طريقو ،في وحدة صاحبة مزرعة كبيرة وحقول وبساتين وهي عم تتمشى شافت هالجاكيت بالزبل ما صدقت عيونها *مين بيكب هيك قطعة ثمينة ونادرة بالزبل انا بدي اخدها معي * اجت على المزرعة وعلقتها على فزاعة العصافير بالبستان وباليوم التالي وقف قلبها لمن دخلت على البستان،،ناشف والمحصول محترق لعنت اول دقيقة شافت فيها الجاكيت ،،اجى ابن اخوها لعندها حكتلو القصة وهو بلش يتضحك من عمتو * ياعمة انت ما بتصدقي هيك خرافات والا * قالتو طيب خدها اذا بتريد ،اخذها للجاكيت وراح على بيتو ولانو كان على موعد بخطيبتو لبس هالجاكيت وراح لعندها وهو عم يتمشى انضرب راسو بالحايط ووقع على الارض وشو شاف شاف خاتم بحجر لولو هاد اتعجب ،،،،استنو بالاول لازم احكيلكن مين هو هاد الشب ،،هاد الشب شب كتير طيب ويحب يساعد الصغير والكبير ومن لمن ماتت اختو هو عم يربي اولادها الثلاث بس الله خرب بيتو من يوم الي صار والنحس مكتوب على جبينو لا يوم ربح ،كل يوم تاينضرب بحايط والا تايقع شي على راسو والبلاوي وحدة تروح والتانية تجي ،،ومن شان هيك فيكن تتصورو عجبو بهالحظ
اجى حكى لاولاد اختو بالموضوع وهن قالولو*بس عمو هاد شي مو معقول لانو هالجاكيت منحوسة هي وما بتجيب غير النحس لصاحبها وهن عم يتناقشو سحب الجاكيت وانقطع الكم ونزل من الكم ورقة ودستة اوراق ملفوفة ،لمن بلش يقراها ما صدق عيونو
**انا الدون ميخائيل هون بكتب وصيتي ،الدنية كانت قاسية علي كتير ولاني كنت كتير خسيس وكتير ظالم بقيت بلاخير انا ومصرياتي ما حدى كان بدو يحاكيني ولا ايشوفني ومنشان هيك ومن كل قلبي دعيت على كل واحد خسيس وظالم يلبس هالجاكيت يقع فيو ازية كبيرة ونحس كبير منشان ينفتحو عيونو وما يعمل الغلط الي انا عملتو وبس الي الو قلب طيب وكبير ايشوف هالوصية ويتصرف بمصرياتي لعمل انساني منيح ،،،
ومنشان هيك اخد هالشب الطيب كل العقود وحولها لمصريات وفتح فيهن جمعية خيرية للاطفال وبلش يرعاها وسماها **دون ميخائيل الجمعية الخيرية للاطفال**
ويقال بانها قصة حقيقية والعلم لله
جورجيت

[SamiraZadieke]

الغالية جورجيت:
قصتك رائعة ومنها تؤخذ دروسا وعظة في الحياة تشكري على الجهد الكبير الذي تبذليه
وعلى هذه القصص الجميلة الممتلئة عبرا.
سميرة