|
Arabic keyboard |
|
#1
04-07-2006, 08:40 PM
|
||||
|
||||
مواطن حلبي معصب ...
مواطن حلبي معصب ...
هاد مرة موظف حلبي وقف عند السمان يلي بيحارتو واشترى شوية غراض وعند ما طلب من السمان أنو يسجلهن عليه بالدين رفض السمان وقلو ما بتعامل انا إلا بالكاش موني فقلو الموظف متعجب : بدك كاش؟؟ قلو السمان أي ليش لأ؟ فجاوبو الموظف لأنو الكاش غير متوفر بالأسواق المحلية لأنه تجمع بأيدي شلة من الحرمية والحرمية صارو كتار والكترة غلبت الشجاعة والشجاعة كنز لا يفنى والكنز موجود بالمغارة والمغارة ما بتفتح إلا لعلي بابا والأربعين حرامي والأربعين حرامي صارو ملايين والملايين عم تندفع لضعاف النفوس رشوة والرشوة صارت حق والحق يا حسرتي ضاع والأكل ما عاد منو غذاء والغذاء مقابل النفط والنفط جاب البلا على روسنا وروسنا تمرمطت بالأرض والأرض مقابل السلام والسلام صار استسلام والاستسلام ضيّع الكرامة والكرامة خسر أدام الوحدة والوحدة صارت حلم والحلم سيد الأخلاق والأخلاق تحولت لنفاق والنفاق جمع نفق والنفق لازم يتكمّل ولحتى يتكمّل بدو متعهد بناء صالح وصالح ما عاد بهالأيام وبهالأيام صارت المفاهيم مقلوبة والمقلوبة بدها بيتنجان ولحمة واللحمة ماعادت تفوت لبيت الفقرا ولو نطحو الحيطان والحيطان صار ألها أدان والأدان معبية البلد وهالبلد صار في أكل هوا والهوا صار في تلوث والتلوث عشعش بالنفوس، والسجل المدني والقضاء وللقضاء على القضاء صار بدو قضاء وقدر والقدر علينا مكتوب والمكتوب ما في منو هريبة والهريبة تلتين المرجلة والمرجلة ما عادت لكل واحد وكل واحد ألو ساعة والساعة أتية لا ريب فيها يوم يأخذ كل ذي حق حقه اللي شفط منه في الدنيا وعلى الدنيا السلام مشان الحصول على الأختام والأختام عند المدام والمدام كانت شامية وهلأ صارت روسية شقرا والشقرا بتهز الأرض والأرض بتتكلم عربي والعربي ماحدا بيقدر عليه غير الله والله اذا منضل على هالحالة لتسحبنا الكلاب والكلاب أحسن من البني آدم وآدم علق علقة مسخمة مع حوا وحوا ما بتعرف غير كلمة بدي وبدي ألعن أبو هالحالة بطلت اشتري
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#2
04-07-2006, 09:03 PM
|
|||
|
|||
|
هههههههههههههههه
واللــــه مـــت مـــن الضــحـــك يــســــلـــموووووووووو بس من وين بـتـنـكـــشي هل شغلات بــجــد كــتــير حــلوي
__________________
نــفــسـي الـتــي تـمــلـك الأشــيـاء ذاهــبــة___فــكــيــف أبـكـي عـلــى شــيء وإن ذهــب َ التعديل الأخير تم بواسطة طيف ; 04-07-2006 الساعة 09:18 PM
|
|
#3
04-07-2006, 09:57 PM
|
||||
|
||||
|
والله لا أخالف عزيزنا الغالي طيف في انني ضحكت ضحكا لم اضحك مثله منذ زمن بارك الله فيك يا أختي جورجيت.
|
|
#4
05-07-2006, 12:44 AM
|
||||
|
||||
|
شكر ومحبة للغالين فؤاد وطيف على المرور والرد الحلو
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#5
05-07-2006, 01:06 AM
|
|||
|
|||
|
وحوا ما بتعرف غير كلمة بدي
وبدي ألعن أبو هالحالة بطلت اشتري شو هالحلاوة ياجورجيت!!!!
|
 |
| مواقع النشر (المفضلة) |
|
|
العرض العادي
