الحب الحميري ههههههه

[الياس زاديكه]

الحب الحميري ههههههه
كان في عائلة كان في عندن بنت تااااااخد العقل حلوه ومتناسقة من كل الأطراف وكان في عندن شڤاني يعني راعي للغنم وهادا الراعي جن على هاي البنت وصار يحاول بشتى الطرق بشان يوقعها في حبه ماقدر هادا الشاب يحصل على ياللي بدو من الفتاة لأن كانت شريفة وعلى قد حالها . أنتهت مدة الراعي ولازم بقا يرجع لبلده قام أجا عند أم البنت وقالها أرجوكي تعطيني كم شعرة من شعر بنتكي بشان أتركهم عندي للذكرى الأم كانت واعية وعرفت لشو بدو شعر من البنت قامت قالت أستنى هون راح أروح أقصلك كم شعرة من شعر رأسها وآجي . دخلت الأم على الأسطبل وقصت كم شعرة من راس حمارتها وأجت عطتها للراعي لما الراعي حصل على الشعر أنبسط وقال بينه وبين نفسه صدقي وقعتي بأيدي راح أخليكي تجني علي ... رجع الراعي لبلده ومباشرة راح لعند ساحر وقالوا بدي تعملي سحر لصاحبة هادا الشعر أي الساحر مو يعرف هادول شعر حمارة هني المهم الساحر عمل الواجب وقال للراعي روح مرادك تحقق .. لما الراعي سمع طار من الفرح وقام رجع لضيعة البنت لأن طمنه الساحر أول ماتقرب للبيت الحمارة هاجت فيها أحاسيس الحب الصادق وصار تنهق وتضرب حالها بالباب وترفص يمين وشمال بدها تلتقي بحبيبها .. الأم سمعت صوت الحمارة وعرفت في شي مو طبيعي طلعت برا أول ماشافت الراعي فهمت مباشرة كل القصة قامت فتحت الباب للحمارة والحمارة هجمت على الراعي وهوي صار يزعق ويعيط ويهرب من جهة لجهة والحمارة وراه وراه بدها تاخد حقها من حبيبها ويتزوجها وهادا الراعي يهرب من مكان لمكان والحمارة تلاحقه بدها حقوقها الشرعية والأم عم تتفرج وتقول لحالها هادا حقك أخيرا الراعي أنفص من التعب ووقع وأجت لحمارة ركبت عليه وصار تطلطع شفايفه بلسانها وبدها لابد أنو يداعبها لأن جنت عليه المسكينة وهوي يصيح دخيلكي ياأم فلانة خلصيني ... والأم تقول : مافيني !! ليش شو عملت لحتى هيك هجمت عليك الحماره . ؟؟ من الوجع ماعاد يتحمل قال دخيلكي ودخيل الله عملت هيك بشان بنتكي تحبني .. والأم قالت أنا عطيتوك شعر من راس حمارتي بشان تتزوجها لأن الحمارة لائقة هي ألك !! وسلمته للبوليس الحميري وعم ياخد جزاه بالسجن !!!
ربي يبعد كل عاشق عن الحب الحميري ههههههه
بقى أمانة لاتلجؤا للسحر والشعوذات .. بشان لا ينقلب عليكن السحر وتصيحوا هاوارت ههه
تقديري ومحبتي
الياس زاديكه

[fouadzadieke]

اي أخي أبو فرانس من قصتك هاي بيّن إنّو للعشق الحميري فنون و شئون أيضا. هذا حقه و لسع ما أخد مستحقه. مليح عملت فيو أم البنت كا تيجنّن بنتا. أوخياااااي برّدت فادي عليوووووو. فقير و ... كبير.

[الياس زاديكه]

اي أخي أبو فرانس من قصتك هاي بيّن إنّو للعشق الحميري فنون و شئون أيضا. هذا حقه و لسع ما أخد مستحقه. مليح عملت فيو أم البنت كا تيجنّن بنتا. أوخياااااي برّدت فادي عليوووووو. فقير و ... كبير.
أي لكن يالغالي كل فنون الحب نتجت من العشق الحميري أي صدق مستحقه راح يوصله بالبريد العاجل قريبا جدا بشان هوي وغيره يمسكوا شوي عقلن ولا يتصرفوا تصرفات شنيعه ... قال فقير وهاك كبير يعني تركت النص ناقص بدك أكمله بدالك ؟؟
تشكر يالغالي لمرورك الجميل
تقديري ومحبتي
الياس زاديكه