|
Arabic keyboard |
|
#1
30-10-2007, 09:05 PM
|
||||
|
||||
إليكم هذا الحوار بين (إمرأة أيام زمان وزوجها)
إليكم هذا الحوار بين (إمرأة أيام زمان وزوجها) الزوج: - مرحبا يامرة… شو عاملتينا عشا اليوم؟ الزوجة: - يه يه يه… تقبر عضامي… إجيت حبيبي؟!! تقبرني شو حركتك خفيفة ومابتزعج حدا… لك حلّت البركة على أرض الديار يا روحي… طابختلك ويالنجي وكبة لبنية تقبشني … الزوج: - يا الله يالله بلا كتر غلبة، قومي حطي الأكل قومي .. الزوجة: - لك إي مو تكرم ابن عمي… مو تكرم… لك من هالعين هَي قبل هَي … الزوج: - ناموا الولاد؟ الزوجة من المطبخ: - ناموا حبيبي ناموا على عشية، وحميتلّك الحمام يا عمري … الزوج بعد أن يرى أصناف المائدة أمامه: إيييييييييييييييييييييييه.. باين السهرة رح تحلى اليوم… يمضغ اللقمة الأولى ويقول: - ممممممممممممم طيبة هالكبة طيبة !!! الزوجة رافعة يدييها للسماء: - لك روح… ربي مولايي يبيضلك أيامك… ويبعد عنك ولادين الحرام يا حق .. ينهي الزوج طعامه قائلاً: - الحمد لله … الزوجة: - عجبك الأكل يا عمري … الزوج: - إي والله… تسلم إيديكي… تعبتك معي .. الزوجة مرتبكة من الفرح: - عجبك الأكل؟؟!… لك تطلع على قبري شو إنّك هني وبتعرف تحكي… لك تكفنّي بإيديك على هالكلام الحلو يا حق.. بكرة بدي أعملّك محشي وبطاطا بالفرن إي بدك تاكل أصابيعك وراهن… بعدين شو تعبتني وما تعبتني؟!… ليش أنا عندي غيرك بالدنيا يا حبيبي؟!!، لك تشكل آسي ياحق … الزوج وهو ينشّف يديه بعد غسلها: - جاهز الحمام يا مرة ؟؟ الزوجة بخجل… وبابتسامتها الحلوة : - ولَو تقبشني… ولَو!!! وحطيطيلك صابونة غار من يللي جابتهم أمك تقبرني.. وإليكم هذا الحوار بين (إمرأة اليوم وزوجها) الزوج: - مرحبا يا حلوة… شو عاملتينا عشا اليوم؟ الزوجة متلقحة على الكنبة وبيدها جريدة: - شو إيمتى جيت؟؟ مبكّر مو على عادتك يعني… على كلٍ عملتلك مجدرة برغل وعدس… شو بدي أطبخلك يعني؟! مو مبارح أكلت لحمة بالصينية؟؟ … الزوج: - يا الله تقبشيني، قومي حطيلنا الأكل لناكل .. الزوجة: - ليكو الأكل عندك بالمطبخ… وين بدو يروح يعني؟؟!! كمان بدي جبلك الأكل لحد عندك؟ ! الزوج باتجاهه إلى المطبخ: - ناموا الولاد على حد علمك؟ الزوجة: إي شو نيّمهم هلق وبكرة عندهم عطلة؟؟؟ … الزوج يحدث نفسه من المطبخ: العمى شو هالمجدرة؟؟!!!!!… يمضغ اللقمة الأولى ويقول: - إي والله كأني عم آكل بحص مو برغل !!! الزوجة : - شو عم تبَروِت يا رجال؟؟ ينهي الزوج طعامه قائلاً: آ…؟؟ مو شي حبيبتي… موشي… الزوجة: - عجبك الأكل؟ الزوج بإحباط: - إي طبعاً طبعاً… تسلم إيديكي … الزوجة بتأفف: - معناها كل يوم بعملك منها إذا حبيت … الزوج وهو ينشّف يديه: جاهز الحمام يا ترى؟؟ الزوجة ترمي الجريدة أرضاً صارخة في وجهه: - العمى على هالقصة… طبختِ يامرة؟… ناموا الولاد يامرة؟…جاهز الحمام يا مرة؟… إي شو أنا ما عندي شغل غيرك؟؟؟ ورصاص..
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#2
30-10-2007, 09:33 PM
|
||||
|
||||
|
اقتباس:
اقتباس:
هادا أيام زمان لمن كااان للزلمة قوة و هيبة ومكانة و مهابة و عزّ! اقتباس:
اقتباس:
و هادا بهالوقت اللي فيه الرجال صاير مسخرة و كل يوم بيترزّل و ما بينقالّو إلاّ طزّ.
بقا إنتو شو رأيكون بالفرق بين رجال أيام زمان و بين حمار هالزمان؟ شكرا يا أختي جورجيت حلوة و من الواقع تسلميلي يا حقّ!
|
|
#3
30-10-2007, 11:34 PM
|
|||
|
|||
|
يمضغ اللقمة الأولى ويقول: - إي والله كأني عم آكل بحص مو برغل !!!
الزوجة : - شو عم تبَروِت يا رجال؟؟ ينهي الزوج طعامه قائلاً: آ…؟؟ مو شي حبيبتي… موشي… الزوجة: - عجبك الأكل؟ الزوج بإحباط: - إي طبعاً طبعاً… تسلم إيديكي … الزوجة بتأفف: - معناها كل يوم بعملك منها إذا حبيت … الفرق بين أيام زمان وأيامنا هلا كتير كبير فعلا حلوة كتير ياجورجيت تسلم ايديكي ياغالية ...
|
|
#4
30-10-2007, 11:37 PM
|
|||
|
|||
|
الزوجة ترمي الجريدة أرضاً صارخة في وجهه: - العمى على هالقصة… طبختِ يامرة؟… ناموا الولاد يامرة؟…جاهز
الحمام يا مرة؟… إي شو أنا ما عندي شغل غيرك؟؟؟ ورصاص. أي ليش لا والله صحيح هالشي يلزم تكون زنابة المرأة على طول قايمه بهل زمان وإلا إذا رخت الحبل للرجال ماراح تخلص من طلبات الرجال ههههه تشكري حبيبة قلبي جورجيت على مواضيعكي الرائعه يالغاليه تقديري ومحبتي ألياس
__________________
www.kissastyle.de
|
|
#5
31-10-2007, 07:03 PM
|
||||
|
||||
|
ههههه
ابو نبيل الغالي ،،ليش مين فينا يقدر يغمض عيونو على بلوة العصر وهالحرية الزايدة الي زادت حدها مشكور ياغالي للمرور الرائع
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#6
31-10-2007, 07:04 PM
|
||||
|
||||
|
ام نبيل حبيبة قلبي،،اي اي ايام زمان رحمها الله وراحت لخبر كان وانقلبت معايير كتيرة وانمحت قيم اكتر
مشكورة يا غالية وربي يديمك
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#7
31-10-2007, 07:04 PM
|
||||
|
||||
|
ابو فرانس الحبيب،،يا سيدي زنبة المرا دايم قايمة هي مو تحتاج لحجة ههههه
الله يرحم ايام زمان ،،مشكور حبيب قلبي وربي يوفقك
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#8
31-10-2007, 08:37 PM
|
||||
|
||||
|
ههههههههههههههههههههههههها
اختي جورجيت اخاف تقلب الاية وتسيير اي ولالالالا شو طابخلي اليوم ههههههههههههههههههههههههها مشكورة يا اختي العزيزة والمدللة جورجيت 
__________________
ܐܠܠܗܐ ܚܘܒܐܗܘ ܡܘܢ ܢܐܬܪ ܒܪܢܘܫܐ ܐܢ ܥܠܡܐ ܢܩܢܐ ܘܢܦܫܗ ܢܝܚܣܪ - الله محبة - ((ماذا ينفع الانسان لو ربح العالم وخسر نفسه )) // الرب يسوع حامي بلاد الرافدين // // طور عابدين بلد الاجداد الميامين //
|
|
#9
01-11-2007, 01:18 AM
|
||||
|
||||
|
اي تصير باغلب البيوت اخوي كبرئيل يعني شو مفكر مين عم يطبخ عندي هههههه
لاء لاء والله الكريم زوجي مو يعرف يعمل حتى بيض مقلي خرب بيتنا يعني اذا ما كنت بالبيت يهجمو الاولاد على البراد ويفضوه والا راح يروحو فيها من الجوع هههههه يا هلا فيك يا غالي وسلامات حارة بس لا تنسى اوكي منور يا ابو سومر
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#10
01-11-2007, 10:39 PM
|
||||
|
||||
|
ههههههههههههههههههههههههههههههههها اختي الغالية والعزيزة جورجيت
بلك موخادم جيش لوخادم جيش رح يتعلم يطبخ موعلى كيفه لان قانون العسكرية عنا عسكريه اضرب راسك بالحيط بقصد دبر رسك هههههههههههههه وصدقي انا بعرف اعمل جزمز وبيض وجاااي يعني هاااي جرا تسند داار كامل ههههههههها مشكورة ياغالية على هذه الروح الرائعة التي تملكين الرب يسحرسك وهو شلومه لو طورويو تحياتي القلبية
__________________
ܐܠܠܗܐ ܚܘܒܐܗܘ ܡܘܢ ܢܐܬܪ ܒܪܢܘܫܐ ܐܢ ܥܠܡܐ ܢܩܢܐ ܘܢܦܫܗ ܢܝܚܣܪ - الله محبة - ((ماذا ينفع الانسان لو ربح العالم وخسر نفسه )) // الرب يسوع حامي بلاد الرافدين // // طور عابدين بلد الاجداد الميامين //
|
 |
| مواقع النشر (المفضلة) |
|
|
العرض العادي
