عالهُوّارة الهُوّارة ... و (ترامب) معلّم تِجارة
بالحِنكة و بالشّطارة ... عَمّال يدير الإدراة
ما بيِفْهَم بالسّياسة ... بيقولوا عَنّو هالسّاسة
لكنْ عِندو الكِياسة ... ما مُمْكِنْ يِقْبَل لِخسارة
تَصريحاتو و أفعالو ... تتماشى و نَغمِة مَوّالو
شاطِرْ و بيعرِفْ حالو ... و النّاس بأمرو مِحتارة
كِلْ كِلمِة عَمْ بيقولا ... عارِف شُو عِرضا و شُو طُولا
بيتفاعَلْ مَعْ مَفعولا ... يِعطي مِنْ أيدو الإشارة
حاطِطْ إيران براسو ... و عَمّالْ يِسَكْسِكْ بِضراسو
إلعالَم حابِسْ أنفاسو ... يستنى تنفيذ الغارة
مِنْ فِعْلِك يا هالشّايبْ ... راح تفرجينا العجايبْ
يا ربّ تكونْ الصّايبْ ... و تخَلّي السّاحة دَوّارة
فَرجيتْ العين الحَمْرَا ... مِنْ أوّل قانون الهِجرة
ألله يعطيكْ القِدرة ... و أمريكا تِرجَعْ جِبّارة.