حَيّرنا الله معنا
شعر عامي/ فؤاد زاديكى
احْتِرْنَا و حيّرْنَا مَعْنَا
اللهْ و بطَّلْ يِسْمَعْنَا
بِيْجِي الصيفْ، نقولْ الحَارْ
صارْ كتيرْ يوَجِّعْنَا
و لمّا الشِّتْوِيّة بِتْطِلّْ
نِبْكي و نِصْرَخْ صَقّعْنَا.
شُو هَالحَالةْ ما بَافْهَمْ
ما بنعرفْ شُو الينفَعْنَا
و بِنضلّ العمرْ بحَالُو
نِشْكِي و ما شِي يِقْنِعْنَا.
اللهْ سِبْحَانُو بيعْرِفْ
كِلْ شِيْ و شُو صايرْ مَعْنَا
لو ما بيكبّرْ اللهْ
عَقْلاتُو كِنّا ضِعْنَا.
يا اللهْ طَوّلْ بالِكْ،
لا تحَاسِبْنَا و تِفْجَعْنَا
شِيْ عَمْ نِعْمَلْ مو مَعْقُولْ
حَيّرْنَا اللهْ مَعْنَا.