اقتباس:
قلب احد ما بيها قرحان
الهم سرى على كل انسان
وانا ببحر العالم غرقان
اوف دني
اوف منك دني بطالي
ما خلت شيء على حالي
يا اهلي اسمعوا اقوالي
ما احد يعلم باللي جرالي
اوف دني
|
هاي الدني مليانة بالخرفانْ
و الديب سارح و الأسد جوعانْ
هايي الدني عم تقتل الإنسانْ
و الشّر فيها مالكه الشيطانْ.
مهما جرى, مهما عِلي البنيانْ
ما في أمل من مال أو غلمانْ
حال الدني واقف على بركانْ
ما في رجا إلاّ هوى الرحمنْ.
عذب الكلام و روعة الألوانْ
يا أختي في حكمة على الأزمانْ
حطّيتي عالجرح الدوا فنّانْ
شفيتْ جروح تأمّنتْ شطآنْ.
فكرك عميق و نفتحك ريحانْ
و القلب ما يعرف هوى الأضغانْ
يا ربّ قوّي و ابعدِ الأحزانْ
عن إختي خلّي قلبها فرحانْ.
شكرا إلك هالشعر من وجدانْ
شو هالحكي ما كان بالغفلانْ
زاد الحلى و تثبّت البنيانْ
أختي سعاد الربّ حامى و صانْ.