شو قصدك يااستاذ الياس؟
إي يعني بالله كل هادا المقال ولسع عم تسأليني شو قصدي ؟؟
ترا هالحكي كتير كبير ها
أي أي بعرف هالحكي كبير وأنا عامل حسابي كمان يعني ماني كتير خايف بس شوي ...
وينكم يانسوان تعالوا شوفوا واسمعوا الياس زاديكان
أختنا الآشوريه ماهني سامعينكي هالنسوان
بهدل سمعة وجمال المرأة وخلاه سيرة على كل لسان
لأنو عم يعرفون هاي الحقيقة وبتنحكى بكل مكان
وعم يقول آمان ياربي آمان اي لازم ناخذه علومان
وعم بيخافون وماراح يهجمون على ألياس
اي استنى شوي لاتستعجل على رزقك لانه بهالكلام فعلاً راح يستلموك النسوان قال لانها الحقيقة عن اي حقيقة عم تحكي استاذنا؟ اي لالا ما الك حق ولا حقوق بأن تحكي عن المرأة وجمالها بهلشكل .انا بريئة من دمك يااستاذ بس ماراح اقدر امنع حبيباتي النسوان من اخذ الثأر منك .بقى تعالوا وشوفوا شغلكن
لالالا أنا ماعندي الوقت الكافي ولازم أمشي من هيك أنا مستعجل وإذا ماعجبهم النسوان كلامي خلي يلحقوني على محطة القطار راح نلتقي هونيك ونعرض قضيتنا لهيئة الأمم النسائيه لحتى يدرسون القضية ويتصرفون وبعدها إذا طابلهم دمي خلي يسفكوه هادا طبعا إذا قدروا المساكين لأنو راح يكونون مشغولين بالمكياج ..
لانه مافي امرأة بشعة ابداً يمكن في بعض النسوان مابيعرفوا
اين يكمن الجمال مثلاً في امرأة لها ابتسامة حلوة بس بتكون عبوسة وفي صاحبة عيون جميلة وكمان تلاقي كتير من النساء صاحبات قلب كبير ماتمتلك مثله ولا وحدة من ملكات جمال العالم ويلي تكون ملطخة وجهها بالاحمر والاخضر ويلي مايهمها غير الحصول على اللقب وبس
أي أي يعني هادا إعتراف بأنو كل إمرأة ناقصها شي يعني مافي ولا إمرأة حلوه وجميلة أي لكن لشو بالله هاي الفخفخة والقورتيه والكبرياء وكل وحده تقول للتاني روحي أنقلعي أنا هي أجمل وحده في الكون يعني بصراحه لو كان قدرت كل إمرأة كان راح تقول للقمر زيح أنا راح أقعد مكانك ..
شفت شلون استاذ انك عم تظلم النسوان بكلامك هاد
لالالا أنا أبدا ماعم أظلم المرأة لأنو لسع ماأعطيت للمرأة نص شي ياللي تستاهله بس إنشاء الله في الحلقات القادمه راح أعطيها كل حقها وحقوقها كمان ...
مشكور استاذ الياس لموضوعك يلي اتمنى انه مايكون الاخير ههههه
لالالا لاء أكيد ماهوي الموضوع الأخير لأنو كان عملتو مدة إستراحة بس أجاني موافقة من القيادة العليا بشان أعطي حقوق المرأة ياللي تستحقها ..
يعطيك الف عافية
الرب يرحم والدك...
الله يرحم كل أمواتكي كمان إي لكن شفتن الذكاء أحتميتو فأبوي لأنو ميت هوي ...
تشكري أختنا الآشوريه لكلماتكي الظريفة ومروركي المعطر
تقديري ومحبتي
ألياس