شِدّي بِنطالك
شِدّي بنطالك شِدّي
عَم ينزلْ و انتي تمدّي
هيك اتعلّمتِ يا بنت
عَلْ أخلاقكْ تتعدّي؟
مو هيك تكون الموضة
بهالأجساد المعروضة
نصها عري و قلّة زوقْ
يمكن صارتْ مفروضة.
شو هالسّرة البتغازلْ
و السّيقان البتنازلْ
كلْ مِنْ يتفرّج ملتذّ
بعيونو طالع نازلْ!
شِدّي تكّة بنطالكْ
و غطّي لحمة سيقانكْ
يمكن حاجة تجرالكْ
تقلبْ كفّة ميزانكْ!
حاجة كترة لميوعة
و هالأجسام المبيوعة
ظهرك باين متل الشّمس
معرّى و بطنكْ مرفوعة.
خافي ألله و خافي النّاسْ
ما بق أخلاق و إحساسْ
الموضة زينة معقولة
مو عرض بضاعة تنداسْ!