اسمعوا قصة ايمان
اسمعوا قصة ايمان
لما السفينةكانت هتغرق فى وسط البحر
والتلاميذ خافوا وجريوا على السيد المسيح وقالو يا رب احنا هنغرق
قالهم :يا قليل الايمان
ايمان
اسمعوا قصة ايمان
ايمان بنت صغيرة فى اولى ابتدائى وليها اخوها كيرلس وكان تعبان جداا ,البيت غم ونكد,,كيرلس سخن ومولع
الا هيتجنن والام تعيط وايمان زعلانة ومش فاهمة حاجة الدكتور وصل كشف على كيرلس
الدكتور: حقيقى انا مش عارف اقولكم ايه لازم عملية خلال 24 ساعة ابنكم بيعانى من مرض مزمن فى القلب
الاب:عمليه ؟ امتى ؟
الام: نهاراسود عملية هو الواد يستحمل العملية؟
الاب: وتتكلف كام؟
الدكتور: اولا العملية خطيرة ولازم مستشفيات محددة ثانيا تتكلف20 الف جنيه ثالثا فعلا فى خطورة على حيات ابنكم
ربنا معاكم وبلغونى الرد بسرعة والدواء ده مؤقت
الدكتور قال كده ومشى
بس بعد ما رمى قنبلت العملية
الاب: يا رب لطفك
الام: يا عدرا
الاب :منين اجيب المبلغ ده؟؟؟
الام :اتصرف يا خويا الواد هيضيع
الاب: منين اسرق''??
الام:لازم معجزة تحصل يا ام النور اعملى معجزة
الاب : دواه يا رب معجزة
الام: ايوة يارب دواه هو معجزة
ايمان البنت الصغيرة مش مدركة صعوبة الموقف بس عرفت وسمعت ان دواء اخواها معجزة
قررت ايمان الطفلة انها تساعدهم دخلت غرفتها بسرعة دورت على الفلوس اللى معاها لقت2.5 جنيه اخذتهم ونزلت جرى على اقرب صيدلية دخلت الصيدلية اللى على اول الشارع لقت الدكتور بتاع الصيدلية بيكلم زبون ومهتم بيه جدا ولما دخلت ايمان ما اهتمش بوجودها ايمان وقفت 10دقائق والدكتور بتاع الصيدلية مش سال فيها
ايمان: يا دكتور انا واقفة مش شايفنى؟
الدكتور: شوية لو سمحت
ايمان: انا عاوزة دواء
الدكتور: وبعدين يعنى ؟ حاضر
ايمان: هو انا علشان صغيرة مش سال فيا بكرة اكبر واكون دكتورة زيك ممكن بقه تخلصنى
ضحك الدكتور والزبونه ههههههههههههه
ايمان: وكمان بتضحك انا اخويا تعبان
الدكتور اهتم وقال : وانتى بقه عاوزة دواء ايه ؟
ايمان: انا عاوزة دواء اسمه........ معجزة
الدكتور:نعم!!!!!!!!!!؟ معجزة لا يحبيبتى ما فيش
ايمان: لو سمحت دور فى وسط الادوية بابا قال دواء كيرلس معجزة
الدكتور: يا حبيبتى ما فيش دواء اسمة معجزة اصل كلمة المعجزة هى............ .وقطعه الزبون
الزبون: اسمك ايه يا شطرة
ايمان :هو انا نقصاك
الزبون: كده برده
ايمان: يا عمو اخويا تعبان وماما و بابا بيعيطوا
الزبون: طيب اخوكى ده عيان بيه؟
ايمان: مش عارفة هو انا كبيرة؟
الزبون: طيب معاكى كام؟
ايمان:2.5جنيه
الزبون: طيب هاتى الفلوس
ايمان: يا عمو انت هتجيبلى معجزة؟
الزبون: ربنا يسهل ربنا كبير
ايمان: طيب هو بعيد عن هنا؟؟؟؟؟؟؟
الزبون: انتم ساكنين فين؟
ايمان فى الشارع ده
وصفت المكان
عجبا للايمان
الزبون يطلع دكتور كبير مدير قسم فى مستشفى تخصصى وعمل العملية لكيرلس تبرع منه فى المستشفى بتعته
الاب: مش عارفين نقولك ايه يا دكتور ده انت عملت فينا معروف كبير
الام: ربنا يخليك للغلابة ويستر طريق مش عارفين ازى كنا ممكن ندفع حق العمليه
الدكتورضحك وطبطب على ايمان وقال: هى دفعت فعلا الحساب
الاب والام : ازى؟؟؟؟؟؟؟؟؟؟؟؟؟؟؟؟؟؟؟؟
ايمان : ايوة دفعت2.5 جنيه
ضحك الكل ههههههههه
والدكتور: بجد هى دفعت الحسااااااااااااااب
------------------
سؤال ....
فعلا الدكتور كان قصده بجد ان ايمان الطفلة الصغيرة فعلا دفعت الحساب مين يقول ازى؟؟؟
ارجو الاهتمام بالرد
والقصة حقيقية
منقولة عن موقع بابا كيرليس
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|