جينا نبارك يا حبّوب
بهالكومبيوتر متل الطوب
ماني شايف يا خيّي
وين قعودك بالمقلوب
هيك اليوم العم بيصير
صار الكومبيوتر محبوب
عم ياخد من وقت الناس
كل وقتا وهو الحاسوب
ولو في غالب أو مغلوب
هو غالب و انت المغلوب
هايي جابتلك مرتك
هاللّهدية بلكي اتّوب
وتترك شغل الكومبيوتر
وشويّة اتبطّل مشروب.
لاكن يا أختي كلنا
عم بنعاني وما بنتوب
مافي واحد ما عندو
وحياتك مُوجع لقلوب
من زوجات الفي عندن
بيوتن وصلت للمخروب
بسّ الواقع لو قلنا
ما ممكن منّو مهروب
شو اللي زاعجكن منّا
قولوا شو منّا المطلوب؟