يا ملكي عطرك فوّاحْ شو هالغيبة يا سوّاحْ كنّا عم نسأل عنّك ذكرك في البال وما راحْ قلنا وينو هالملكي الكان يشرّبنا أقداحْ من علمو ومن هندستو انشالله بأحوالك مرتاحْ؟ خير إن شالله ما في شي بهالغيبة إسمو أتراحْ؟ نتمنّى عمرك كلّو وعمر محبّينك أفراحْ! أهلا وسهلا بهالجيّي الصارت تضوي كالمصباحْ اشتقنا لحكياتك والله ولمزحك يا بو الأمزاحْ فرحنا صدّقني كلنا يالله بلّش في المفتاحْ سكّرت ابوابك كلاّ افتحها يا ملكي الفتّاح عم نستنّى تسعدنا بمعلوماتك تا نرتاحْ شوف الفرحة كيف تموج من هالنّاح ومن هالنّاحْ أهلا ومرحب يا غالي يا ملكي مسعد لرواحْ!