[الياس زاديكه]

آآآآآه ... يابيروت
أجاني صوت متل البرق
وبيسألني ليه عم بتشرب عرق
رح خبرك راح خبرك روقي
أشرب أنا العرق والنار بعروقي
وبتنطفي متل حلم العرب يالي أنسرق
والله رح خبرك ..بس إنتي روقي
هل سمعتي يوما بماضي بيروت
بيروت يابيروت .. وبيوت فوق بيوت
والبحر منها بيهر ألماس وياقوت
وأشجارها مزينة كلها بالتوت
كنتي عروسة بيتمنوكي يابيروت
كليلة الدخلة والرجاله عليكي تموت
هاجت عليها من كل الجوانب رعود
وصار الغضب طوفان وحرق البيوت
وانهدت القلعه وانسلب الياقوت
حرام والله حرام على بيروت
نساءها ترملت ومازالت بتجود
منتظرة بكل شارع ومرتبطة بوعود
لحتى ما يرتووا منها ويرموها للقرود
غصبا عنها وهادا حكم نمرود
وبغداد معها بتموت ومجروحه
والعصافير أصواتها مبحوحه
والعدو كبر وصار متل التنين
بيولع النساء والأطفال المساكين
وأحنا بقلوبنا عم بتدخلها السكاكين
إمتى راح بسيوفنا نضرب رقبة التنين
عله بعد موته إيفوق ويصحى الضمير
وبينزال من بيروت مرض السراطين
بيروت كانت قصيدة شعر..والشعر انحرق
ضلت بيروت صورة على الورق
مرسومة بقلوبنا وربي راح نحفظها رغم الأرق
ترى هلق عرفتي الآن ليه عم بشرب عرق ؟


طوالستان