[fouadzadieke]

ما بيوقَع غير الشاطر

فؤاد زاديكى

ما بيوقَعْ غير الشاطرْ ... صَدّقْ بالميِّه ميِّه

شو بَعدكْ واقفْ ناطِرْ ... ما عَم تفهَم شو هِيِّه

هالقصّة و لا في خاطِرْ ... عندك مِنْ حِسن النيِّه

لا تِبقى ليلِكْ ساهِرْ ... تِعمَى عيونكْ يا خطيِّه

***

مغرورْ بحالو الشاطِرْ ... ما بيهِمّوا كلّ الناسْ

مفَكِّرْ حالو يا ساتِرْ ... كِلْ بالكِلّ و هُوِّ الراسْ

لَمّا بيوقَعْ يتشاطَرْ ... حتّى لو صار الإفلاسْ

لازِم تِعرِف يا شاطِرْ ... ما هِيْ لعبة و شِربِة كاسْ

***

اِفهمني و حاوِلْ يا جارْ ... لا تِعمَلْ حالِكْ پاشَا

لو دولاب الدّنيا دارْ ... بتصير الحالِه شاشَا

و تِندم عَلْ كلّ اللي صارْ ... ما بِتفيدِك نِقَاشَة

مو وَحدو الشّاطر بالدّارْ ... لابِسْ جَزمِه و دِشداشَة

25/6/2018