حَصرة عَلْطور عبدين
شعر/ فؤاد زاديكى
أشْ تِنقولْ و أشْ مو نقولْ ... الظِّلمْ ملاحِقْنا عَطّولْ
هادا الصّار و عَمْ بيصيرْ ... الشِّغلِه ما بِدها تَفيكرْ
شَعب السّريانْ تشتَّتْ ... مِتْلِ البِعرايِه تفَتَّتْ
ألله يجازي العُصْمَلّلي ... مجرمْ حربْ و تِه يوَلّلي
تهَجّرْنا تحتِ التّهديدْ ... مِتْلِلْ كَيْخَطِّطْ و يريدْ
و هَلّا عَمْ يحصِدْ زَرْعو ... مِنْ إلّلي دَيسو رِضعو
باسم القوميِّه و الدّينْ ... خالَفْ قانونْ التكوينْ
(سيفو) شاهِدْ عالأشرارْ ... في تاريخنْ وَصمِة عارْ
آخْ و حَصرة طور عبدينْ ... عِدوانِكْ جَوا مِنْ مَيلَينْ
غادرنا أرضِ الّلجدودْ ... و صِرْنا مِنْ خلفْ الّلِحدودْ
تشَرَّدنا في كِلْ مَطرَحْ ... كِلْ ذكرى صارتْ تِجْرَحْ
يا ربّ تساعِدْ شَعبِكْ ... ضَحّى و ما أنْكَرْ حبِّكْ.