[georgette]

الغالي ابو ياسمين
بصراحة انا قريت الموضوع وتمعنت بالنص كتير وقريت الردود وتلذذت فيها ،،،لاني كل ما لمستو من النص لا علاقة له البتة بممارسة الجنس قبل الزواج والا بنص الزواج ولا حتى باخره،،كل الي تلخص عندي ما هو الا تهجم وتشتم بالمسيحية وطريقة عيشتها ،،واستسخار بالغرب وشرفو
يعني الاخ المحترم لو تكرم وزكر بعض الحوادث الي عم تصير يوميا بالجوامع ورا حيطان وابواب مسكرة كنا تفهمنا انه هالانسان محترم وعم يتسال وينتظر اجوبة تهديه وتوضح !!!انما كتابتو بالاسلوب الساخر هاد ما لها علاقة البتة بالجنس قبل الزواج
كل انسان له طريقة تفكير واسلوب معين يعيش عليه بمسيرة حياته ،،انا شخصيا لي وجهة نظر خاصة بي ،،يعني وجهة نظري ما لها علاقة البتة لا بدين ولا عقيدة بس هي وجهة نظر واسلوب اخترته بقناعة شخصية وتمنيت لو ان اولادي تفهمو هالقناعة ومارسوها ،،
يعني لو بنتي اجتني يوم من الايام وهي بنت 19 سنة ،،لا خلصت دراسة ولا بدت تبني اساس لحياتها ،،خبرتني انها حامل !!شو برأيك رح تكون ردت فعلي؟؟؟ رح اجبرها تطرح؟؟؟والا رح ارميها من البيت واتبرء منها؟؟؟؟ والا رح اجبرها تنقطع عن دراستها وتتزوج وتربي ابنها؟؟؟؟؟؟ بالطبع انا ما لي حق اتدخل بحياتها واجبرها على اي شي ،،كل الي علي هو اني انصحها من بدء بادئ بالحذر والتأني والعمل بعقلانية وتفهم وهي عليها الباقي اما تعمل بنصيحتي واما تدوس عليها في كلا الحليين ابقى مجبورة بالرضى ومد يد العون
موضوع تختلف فيه الاراء ويستحق التكلم فيه اكثر فهو موضوع يومنا هاذ وهو جاد
تشكر يا غالي للفكرة ولتواجدك معنا
محبتي