|
الحبّ زيّ النور. شعر: فؤاد زاديكه
الحبّ زيّ النور الحبّ زيّ النورْ الحبّ مش مأسورْ طاير بيلفّ ويدورْ عالكون ومش مقهورْ! الحبّ زهرة تفوحْ وتعطّرك يا روحْ فيها دوا المجروحْ مطرحْ ما هيّة تروحْ! قالوا الهوى تعبانْ قالوا عليه فرحانْ قالوا عليه زعلانْ مش حلو زيّ زمانْ! الحبّ جنّة ونارْ دنيا من الأسرارْ واحد تراه يغارْ والتاني مش بصّارْ! الحبّ ميّة و فَيّ تِعطي جمال وضيّ خلّي شوي شوي نِستدرجو يا خيّ! غنّي على ليلاهْ وامشي على دنياهْ ما في هَنَا لولاهْ خلّينا نستنّاه! |
الأخ ففؤاد
غالينا الكبير فؤاد : الحب زي النور ...صح الحب زهرة تفوح ...صح قالو : الهوى تعبان ...صح الحب جنّة صح ... أما نار فبدها استفسار.. الحب مية وفية ...صح أما غني على ليلاه ... مشكلة ويا ويلاه.. وامشي على دنياه ... طيّب وكيف بنترك دفة السفينه بيداه ..؟ مافي هنا لولاه خلينا نستناه ..كمان صعبة .. فممكن هو يتركنا ... وبمشينا على هواه..؟ تسلم أيها الكبير وتقبل المعذرةمن أخوك الصغير.. أخوكم وديع القس |
| الساعة الآن 02:39 AM. |
Powered by vBulletin Version 3.8.6
Copyright ©2000 - 2025, Jelsoft Enterprises Ltd
Translation by
Support-ar
Copyright by Fouad Zadieke