|
من الالف الى الياء قاموس نق النسوان...
الالف:اريد فلوس دأشتري هدوم الباء :باجر لازم توصلني لبيت اهلي جيرانهم عندهم حفلة التاء :ترى اليوم آني ممسوية عشة جيب وياك سفري.. لو تريد نطلع بره نتعشه؟ الثاء :ثلاث اسابيع ما طلعنا تمشينا يالله اليوم حظر نفسك تطلعنا الجيم :جيرانا اشترو بيجو جديدة.. احم احم.. واحنا الحاء :حبيبى..اريد اغير ساعتي ,مليت من ساعتي الرولكس؟؟ الخاء:خابر اهلك اليوم انت ماتروح يمهم ..انا عازمتك نتعشى بره بس على حسابك الدال:دور لنا على فيلا على 3 شوارع شنو يعني بيت أخوك أحسن منا الذال:ذيج السنة (قبل 10 سنوات) قلت لك اشتريلي سيارة وانت غلست الراء :روح قدم على اجازة و خلينة نسافر لتركيا.. غيرنا مو احسن من عدنا الزاء:زيد مصروف البيت يعني يادوب يكفي السين : سنتين حابسني بالبيت .. رح اطك الشين :شيل الولد شنو متشوفة كاعد يبجي؟ مو زين خلّفته؟ الصاد :صفط هدومك بمكانهم,مليت واني ارتب وراك الضاد :ضاع عمري وياك .. ليش شفت شي من حياتي؟ الطاء:طلع الملابس وانشرهن حتى ميروح عليّ المسلسل الظاء : ظليت تسمع حجي اهلك .. شوف شصار بينا العين :عيوني..اليوم.. حجت اختك وياية على التلفون أوووف ياربي على هاالنفسية التعبانة الغين: غير يا اخي ها المواضيع .. انت ليش ما تكللي احبج ؟ الفاء:فهمت عليك لا تكمّل ( تقطعلة كلامه حتى تحجي شغلة براسها) القاف :قدّر يا اخي شوية...كل شغل البيت على راسي..وانت شكو عليك يوميهطالع تفرفر............ الكاف :كم مرة قلت لك أمك ماتحبني اللام :ليش اهلك عزموا بيت اخوك وما عزمونا ؟؟ الميم :ما أجي وياك ببيت اهلك ..ما عزموني رسمي ..افتهمت؟ النون :نسيت انو باجر عيد ميلاد بنت اخويه؟ الهاء :ها ..اشو هم تأخرت ببيت اهلك؟ الواو:ولدت اخت بت خالة صديقتي.. شنوديلهم هدية؟ الياء :يالله ايدك على25000 (حمرة) حلاوة المصالحة..لانك زعلتني وكسرت خاطري... |
الميم :ما أجي وياك ببيت اهلك ..ما عزموني رسمي ..افتهمت؟ ههههه قاموس نسائي رائع وأنا عجبتني كلمة أفتهمت لأنو أنا أحب النظام والقوة وأستعمل هاي الكلمة بحياتي كتير وهلا سمعتوها من إمرأة شفتوها فعلا حلوه رغم أنو مابتلبق للنسوان كلمة ( أفتهمت ) لأنو تفقد أنوثتها لما تستعمل هاي الكلمة.. تشكري أختنا الآشوريه على روحكي المرحة ومواضيعكي الرائعه تقديري ومحبتي ألياس |
اقتباس:
|
اي لالا مو شرط يااستاذ الياس ساعات المرأة لازم تستعمل كلمة أفتهمت مع اولادها كمان لما مايجوا إلا بالعين الحمرا مشكور استاذ الياس لمرورك الجميل ولحضورك المتميز دائماً... |
ترى ?اموس البنيّة ويّا زوجها ميساوي يمّه فلس مبخوش. اي فعلاً هيك كان باين وإلا ماكان طلبت منه هالمبلغ الصغير مشكور استاذ فؤاد لمرورك الجميل وتعليقك الظريف... |
الضاد :ضاع عمري وياك .. ليش شفت شي من حياتي؟ ليش ماكلتي باول سنه جايا وراء 25 سنه تكولين هذه احله جمله زين الرجال ما ضيع عمره لو بس انتوا النسوان يسلمو يا اشوريا هذه بديهيات الحيات الزوجيه |
:روح قدم على اجازة و خلينة نسافر لتركيا.. غيرنا مو
احسن من عدنا عييييق يعني هالهبلة ما شافت غير تركيا تروح تتفسح فيها !!!قطيييييعة ههههههه عن جد حلوين كتير يا حبيبتي بس هيك فتحت تم الياس علينا وبهدلت حضرة نحن ههههه مشكورة حبيبة قلبي ظريفة على طول |
اختي الاشورية :
قاموسك حلو بس ما ينطبق على كل الرجال ...:) :) :) هي لو تسمع كلمة // طالق // ماتحجي هالحجي .:) :) :) مشكورة اختي ... |
| الساعة الآن 03:05 AM. |
Powered by vBulletin Version 3.8.6
Copyright ©2000 - 2025, Jelsoft Enterprises Ltd
Translation by
Support-ar
Copyright by Fouad Zadieke