|
بمناسبة اغتيال باسل أسد1 شعر: فؤاد زاديكه
بمناسبة اغتيال باسل أسد1 شعر: فؤاد زاديكه يا حافظ يا بو باسلْ شعبك عنّك مو غافِلْ رَح يجي يوم و تِدفَعْ دينْ لظلمكْ و الباطلْ. يا ما رمّلتْ النسوانْ و يَتّمتْ بجرمكْ أطفالْ شرّدتن خلفْ الحيطانْ أفظعْ ما تكونْ الأفعالْ. يِمكنْ قايلْ بدّو يقولْ ما عندكْ خبرْ و لا عِلمْ عمْ تجهلْ, شي مو معقولْ و لا كَنّو في عندكْ ظِلمْ. بسْ لو زرتْ سجونكْ يومْ و شِفتْ لعندكْ يا رَيّسْ يمكنْ حسّكْ هالمعدومْ يشفي عقلكْ لمتيّسْ. قَتلة باسلْ هي إنذارْ بلكي توقظْ إبن الوحشْ يا مجرمْ ظالمْ جبّارْ ما فكّرتْ بكفنْ و نعشْ. درسْ مترجمْ مو معجّمْ ربّك حاببْ تَيفرجيكْ شِفْتِكْ, و التِمّ ملَجّمْ و الأكبرْ مِنّو جاييكْ. ربّك عمرو ما أهملْ و لا سامحْ أبداً ظالِمْ عَمْ يِمْهِلْ, عَم يتْمَهّلْ هاي كانتْ يقظِةْ حالِمْ. بلكي تحسّْ بِلمَوّتُنْ هِنّن كانْ في عندنْ أبْ بالإجباري صوّتُنْ حتّى قالوا "نِعمْ الأبْ"! تسعةْ و تسعين و تسعة بالميّة مِنْ هالأصواتْ و اللي انتخبوا هِنْ تسعة مِنْ آلافْ و مِنْ ميّاتْ. يكفي كِزْبْ و تلفيقاتْ يكفي قهرْ و تخويفاتْ بدنيةْ ربّكْ في آياتْ حكمة, و كلْ آتٍ هُوْ آتْ. ألمانيا بتاريخ 3 شباط 1994 |
| الساعة الآن 07:35 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke