Forum of Fouad Zadieke - ((بو علي))...........

قبل الفجر مايطل
وتتمردغ خيوط الشمس عاالتل
قبل الندي مايهتدي
ويزحم خدود الفل
والريح عشت
بعد ماتعبت .......لعب
مع وجه بحر وجنح طير وعود زل
والكل غل بغفوتو وغير الصمت ماضل
وصوت ليلى اللي اعتلى وعبا الملا
خنجر مخاض وحل
وصوت نقلة (بوعلي) تغلي غلي
موسم حصاد وغل
من تسع تشهر ماغفي..وهمو صفي
آيمت علي بيطل
وأم ليلى من البلا
ساعه دمع ساعه صلا
تالصبر فيها مل
ومر الزمن
أطول من دروب المحن
وطل الفجر عالظل
حامل معو بكوة طفل
وزغردت ختيارة النحس العلى ديها انجلا
كبر البلا
وغادرت صيوانها تدبك على.....
مبروك....مبروك يابو علي جابتلك حلا
جابت حلا..؟؟؟!!!
وكبر المصيبه حل
جابت حلا..؟؟؟!!!
وطلسم على الوجه انطلا
وسيف الحقاره انسل
جابت حلا..؟؟؟!!! ولك طالقه
يحرم عليها منزلي
ويحرم عليي منزلا

أي ياوطن
كل يوم عنا بوعلي وليلى وحلا
وكل يوم بدنا نجوزو
وكل يوم منشرد حلا
منزرع على جبينك محن
وباقي البشر
نقشت على صخر القمر
وأنت بعدك مبتلي بعليا وعلي
اي ياوطن
سوق الدعارة غل
والعار ثوب الكل
وهيك بدنا نضل
مادام عنا (بوعلي)
وطلة حلا بتذل