Forum of Fouad Zadieke - مِنْ وَختِ الأريتوكي شعر/ فؤاد زاديكى

مِنْ وَختِ الأريتوكي

شعر/ فؤاد زاديكى

مِنْ وَخت الأريتوكي ... فِعَوجِة بيت أبوكي

جَنّيتو و حبّيتوكي ... خُزّي كا صِرتي شَاني

قُربانا هايِه القامِه ... و إنتي كما الشّمّامِه

زَيَّنِتْ خَدكي الشّامِه ... و إنتي إنتي دِرماني.

عينَيكي نُورِنْ يِظوي ... و زِحكتكي فادي تِكوي

شَا مِنِه حالي أروي ...و يِسمَعْ نَغْمِة قاواني.

شَحْفِتكي كَما الحريرْ ... كِلْ خِصلِه فالهوى تطيرْ

قُربانو روحكي أصيرْ ... حاكَيتو شاجيراني.

أبوكي كَفزع مِنّو ... مِنْ شي السمِعتو عَنّو

كا شَرّبني مِنْ دَنّو ... و يا ريتو كا حاواني.

قِلتو شإمّي و أبوي ... روحوا اطلبوها و أخوي

تِه أبوها يصيرْ حَموي ... و لو صارتْ مو تِنساني.