Forum of Fouad Zadieke - ليش تركتيني ورحتي

Forum of Fouad Zadieke (http://www.fouadzadieke.de/vBulletin/index.php)

- خاص بالشعر العامّي و الزجل فؤاد زاديكه (http://www.fouadzadieke.de/vBulletin/forumdisplay.php?f=278)

- - ليش تركتيني ورحتي (http://www.fouadzadieke.de/vBulletin/showthread.php?t=2203)

ليش تركتيني ورحتي

ليش تركتيني ورحتي

ليش تركتيني ورحتي ... وبكل أسراري بحتي

قلتيلي بعد العتابْ ... لوما حبّي ما ارتحتي!

اتعلّمتي أسرار الحبّ ... والمهنه المكتوبه بقلبْ
لاكنْ كبّيتي الكتابْ ... وفهّمتيني ما لك ربّ!

عمري ما بِخْلتْ إيدي ... وجبتو كلّ البتريدي
وياما ردّيتو أحبابْ ... وانتي أحلامي تصيدي!

خافي ألله يا حلوه ... حاجه هجران وبلوه
خلّي انداوي الفينا انصاب! ... والحلوه تضلاّ حلوه!

عشرة عمر وأماني ... خلّيها ترْجعْ تاني
رَحْ ارفض كلّ الطلاّب ... وعيشْ جنوني مِنْ تاني!

ماني قادر تا إنسى ... وحتّى لو قلبي يقسا
بكرة بيجمعنا لترابْ ... بديون الموت الأقسى!

مهما حاولتي إنكي ... تصدّي وتزيدي بفنكي
بِحلف عَكتاب الوهّابْ ... إنّي ما استغني عنكي!

تشكر ياغالي فؤاد على أحاسيسك الرائعة .
وركي مقلوعه قي تركتيني
وفيدكي وفساقي رفصتيني
ومن الودي لل?م حلقتيني
بهدلتيني ونعلتي أبو سنيني
وركي أسمعيني وركي أسمعيني
كتبت قصائد والناس لا موني
كنت خايف عليكي من جفوني
غير بعدكي عني مايداويني
تقديري محبتي
طوالستان

*
انا اقـُل مو تروح بعيد، بـس طوّل بالك عليـّا
*
محبّـتـْـكِن الله يــزيْــــــدا * * * و يرَجّـعـلِك ِاللـّي تـريـدا
بـتِـرْجَع نِدمـانِه تقـُـلـِّــك * * * تـَوبـِه!* ما بَـقـى اعِـيـْـدا

ـ

مهما حاولتي إنكي ... تصدّي وتزيدي بفنكي
بِحلف عَكتاب الوهّابْ ... إنّي ما استغني عنكي!
اي شو هالاخلاص وهالوفى يا ابو نبيل وعلى هالصبر بتنحسد هههه
غنية تغنيت فيها ورقصتنا على انغامها
يسلمو ايديك حلوة كتير

الغوالي الياس وملكي و جورجيت كل الشكر لكم لهذه العبارات الجميلة ودمتم يا أحبتي بكل خير