|
الى الأخ الحبيب فؤاد زاديكه.......
قديش الله موهبه عاطـــــــــيك وقديش من بحر اللطف ساقيك شعرك بيدخل في حنايا الروح نسمة فرح من رقة خوافيـــــــك ابنك لحتى يخالفك مســـــــموح لو شاف منحى السوء عايش فيك وممنوع يكسر خاطرك ويبوح بكلمات فيها العنف مابيرضيك وللأبن يلي بهالعــــصر ميسوح ونافش جناحو متل ريش الديك بيشوفك بتيار فكرو جـــــروح وكلمـــــا لعندو قربت بيـــجافيك بقــــــلو ياأبني الشــــر مهما يلوح ويزيــــن بوابو بحـــلا ويغــــريك سمــــاع النصيحه ياحبيبي وروح أحفـــــظ وصــــايا الرب بتــــجديك |
و قديش عم يحلى السمر و يفوح يعقوب بعطر محبتي تا يجيك مهما صنوف الدهر منها ينوح جرح الألم يعقوب بتقويك فيك اللطف و الجود و الممنوح من طيب كرمة هالزجل هي فيك وقتي قصير و بالشغل مدبوح بعد الشغل أشواقي بتناجيك مهما يكون البعد منّي الروح عم ترسم محبة هوى حواليك. |
| الساعة الآن 07:43 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke