|
كلمالا تحلى وتحلى. شعر: فؤاد زاديكه
كلمالا تحلى وتحلى كلمالا تحلى و تحلى و خدودا تورّد أحلى قلبي عم بيحبّ الورد و غير ورودا ما استحلى. يا حلوة حاجة كِبرةْ و الزّغرة هي الكبرةْ إنتي بهالحسن و هالقدّ فيكي مزروعة القدرةْ. كلنا عم نتمنّاكي و عالشارع نستنّاكي مافي حنّيّة و لا ردّ شو بينفع نترجّاكي. عيونك عم تغزل أشعارْ و العشق يخبّي الأسرارْ مافي حاجة هجر وصدّ حكّينا ما عدنا زغارْ. سبحانو الكوّن هالكونْ وحطّ البسمة شوفي شلونْ كلياتك مغسولة بشهدْ بأحلى شكل وأبهى لونْ. يا نيّالو يا دلّو ياللي قلبك يوصلّو عم حكّيكي جدّ الجدّ نصّو بدنا مو كلّوْ. تكفينا يا بنت النّاسْ غمزة عين و شربة كاسْ عم نستنّى منك ردّ يمكنْ يتعبّا هالرّاسْ! |
1 مرفق
أغنية حب تتغنى بأجمل صوت
دمت لنا شاعرا مبدعا ودامت ريشتك اى الأبد |
1 مرفق
تكفينا يا بنت النّاسْ غمزة عين و شربة كاسْ عم نستنّى منك ردّ يمكنْ يتعبّا هالرّاسْ! كلمات جميلة وإحساس مرهف بالمنجاة ولوعة الصدق والحب . يبدو حتوجع هالراس وراح تهتكنا بين الناس مابتفهم مات فيها الإحساس والنبي بدها شي ضربة فاس تقدري ومبتحي ألياس |
الغاليان والمحبان سميرة والياس شكرا لمروركما الجميل والمفرح ولصوركما الرائعة أيضا.
|
يا أبن عمي الغالي كلماتك وأغنيتك رائعة وعندما تكتب تغرد لك الطيور لاتحرمنا من روائعك
تحياتي لك |
كلمات في غاية الروعة والجمال وفيها من الرقة والاحساس ... تسلم يا أستاذ على هذه الكلمات الجميلة .
|
الأستاذ فؤاد المحترم
تحية طيبة من صباح يوم أحد مشرقاً إشراقتك البهية مؤكدين أن غيابي كان عنكم لأسباب تقنية 80% والباقي لأسباب إنجاز قضايا الناس قبل نهاية العام . قصيدتك حلوة ولكنك أنت الأحلى بها كلام جميل جداً ونفس رائع لك كل تحياتي ولكن : كلماتك كانت الأحلى من كل الورد وأغلى وحياتك ما تسلى لكن بشعرك أتحلى وبصورتك ما بتغنى ولكن بشعرك أتهنى وعنك وعنه اليوم والباجر ما أتخلى ويوم ما أشوفكم والتقي بيكم أخسر يوم من الجنه نبيل |
الأحبة جومانة ويعقوب ونبيل كل المحبة والشكر لكم على طيب توقيعكم وكرم أخلاقكم فمرورك كان طيبا وجميلا.
|
تكفينا يا بنت النّاسْ
غمزة عين و شربة كاسْ عم نستنّى منك ردّ يمكنْ يتعبّا هالرّاسْ! ولا احلى من هيك غزل تئبرني شو مهضوم هههه يسلموووو تجنن |
| الساعة الآن 08:00 PM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke