|
عالهوارة
إخوتي سأكتب بيتين من تأليفي على أغنية عالهوارة..وأريد منكم تكملتها
عالهوارة الهوارة.......دبرها وامش بشطارة وان كنك شاطر يلاّ .....علمها الحب بمهارة من سيكمل.. |
جينا وجينا نعلّمها ونعلّم كلْ أهل الحارة الحبّ البدّو شطارة والبدّو فنّ ومهارة. |
عالهورة الهورة ****هيا دنيا واسرارى
قلب الشيب بركض ركض والبنت بتمشي غندارة |
شكرا للتكميل ياغوالي فؤاد وجومانة
عالهوارة يام الياس ...صبيلي العرق بالكاس وحق العدرا ومار الياس....البنت بتشرب سيكارة |
فكرة تجنن يا ام الفكر
عالهوارة الهوارة .... سميرة ام الشاطارة تالف احلى اغاني..... قدامها صرتو ختيارة |
عافاك ياجورجيت
عالهوارة الهوارة,,,,جورجيت ماهي ختيارة وهيي صبية حلوة....بسحر الحب وأشعارا |
عالهوارة الهوارة.......الياس ماشارك ياخسارة
يللا شارك ياالياس.......وفرجينا هالشطارة |
عالهوّارة الهوّارة ... و لو بدكن منّي شارة
لو ألياس مشاركنا ... بيهدّ بنيان العمارة |
عالهوارة الهوارة.... الياس راكب عاحمارة
بايدو دهول وزرناية..... تايرقّص كل اهل الحارة |
عالهوارة يام زكي.....سبع سنين مجاوركي
حسبتيني تاخدكي .....وضحكت عليك ياخسارة |
فكرة حلوة ياسمورتي ،،، وانا أقدر ماأشارك على موضوع أشتم منه رائحة البنات
عالهوارة الهوارة شو هالحالة ياجارة ،،،،،، لعازب بدو يتزوج ومافي معو ولا ?ارا راح نعملو لميه من الأهلية والحارة ،،،،،، ونزوجه أحلى بنت ونعملو مسخرة |
عالهوارة الهوارة جا الياس شيخ الحاره ،،،،،، راح بنغني ونسمع كل الجاره
وينك يافوفو بس تضربني الحجاره ،،،،،، أختك جورجيت ركبتني عالحماره |
هالهوارة الهوارة....... البنت بتخاف من الفارة
بس مابتخاف من الشب......وبتكسر ألبوبكسارة |
عالهوارة الهوارة ... الياس دخل المغارة
لا تزعل منا يا الياس... زيدنا شوية العيارا بنحبك والله بنحبك.... وزعلك اكبر خسارة |
عالهوارة الهواره وينا بنت الجاره ،،،،،، راح نلعب سبع حجاره
ون مارضيت آه ياخساره ،،،،، بنرفصها رفصه ونرجعها لورا |
الياسنا ماعم يزعل .....موتهمو كل الحارة
بيمشي وبيتمخطر والله....وبيجنن بنت الجارة |
عالهوّارة الهوّارة ... الياسي جانا بهاوارة
ولما يشمّ ريحة مارا ... بيسكر يرجع لوارة |
زيدو زيدو العياره ،،، جننو بنات الحاره
فوفو أبو المهاره ،،، لاتخزلنا ضل بجداره |
عالهوّارة الهوّارة الياسي عندو جسارة البنت الحلوة المحتارة بيجيبا لو ما في ?ارة! |
عالهوارة
عالهوارة الهوارة ---واهلا بيكم يا كبارا
وما بقبل تحكو عاالياس----كلو حب وسمارة ولو تاخر عنا شوية---راح تشوفو منو الحيارى وما بيحكي الا عالتقيل ----وصدرو رحب وحرارة وهوي شجرة بالبستان ---وبيعطي للورد ازهارة وكيف حيخاف م الهوارة ---وهو استاذ القيثارة لملم فكرك يا الياس----وزجلك هو الهوارة وفرفش خلقك بي هالناس ---ولا تخلي عندك اسرارا اخوكم وديع القس |
عالهواره الهواره
جنيتو مالي ?اره شدوني ..دوروني فالحاره جا أستادي هاواره أكبر واحد بالحاره كلامو حنكة ومهاره ربي زيد وديعي شطاره أبن أصل وعروقو جباره مابيحكي غير بالإشاره كلامو عسل بس ياخساره وديع أبن القس مابيحب بنت الجاره أرى من المسيح إشاره وابتعد عن الهواره |
"منقول"
عالـهــوارة الـهــــوارة - - - الخـمـــيس عـنــّـا وزارة السنيـورة ناطـر بــرّي - - - تيـعــمـلـو شــي زيـــارة و برّي مدوّخنـا بالحــج - - - وبمـبادرتو عـم يحــتــج واللبنـاني تعـب وهـــجّ - - - من تصـاريـح المـختـارة وسعد مضيّع مش مهتم - - - وعون وجعجع عندن هم والقرنة فرطت مابتنـلمّ - - - ولحــود قــاعـد جـكـــارة و هـوّر يـا بـو الـهوّارة ـ |
عالهوار الهواره .. أنلمت كل لحاره
فؤاد يضرب حجاره .. وأختي راكبة حماره سميرة تصيح هاواره .. ولياس عند بنت لجاره وديع هرب مالهواره .. وملكي عطانا إشاره غنوا معي عالهواره .. تنعزم بنت لجاره ونعلمها المهاره .. نحني أولاد لحاره ونرقصها ونلعبها بس بالإشاره أنا دخيل رب بنت لجاره.. عينيا متل لمغاره وتما متل لكواره .. وديوسا آه ياخساره |
عا الهوارة
يا غزيل يابو الهيبة
مرحبتين ومرحبا لما تجي لعنا تشعل نور الكهربا وهور يابو الهوارة وديع مخاصم الجاره وملكي يحكي سياسة والدرب خسارة بخسارة عل هوارة الهوارة الياس عشقان الجاره والجاره راحت تشكي على شيخ البقارة قالها ارجعي للياسك بركبك عا ظهر السيارة شيخ البقارة ملوح عنتر والكرم بيلوح الجاره شافت سيماريان وقالت ها الشقي غرقان بحب الجاره والخلان وتركها في طولستان ترعى حشيش الحمارة الهوارة ليش هورتي الياس زاديكي مرمرتي اوعى تزعلي هاد الشب بحطك عا الظهر لحماره |
عل هوارة
عا الهوارة الهواره
والله لكسر حجاره ليش زعلتو هاد الشب والله لسفروا بطياره يهجر جارته المكاره وخليها عانس بالحارة تدور من زيارة لزياره اللقمة وصلت للتم راحت عليكي يا جاره (الياء لضرورة الوزن ) ابنا مرتب متل الورد وطقي وموتي يا جاره لنجوزا احلى صبية وراحت عليكي يا جاره اثرو اثرو ساعدني المنتدى بعاندني يلا اكتبلك شي هواره بحق الياس والجاره وين الشاعر قائدنا مطنش حاله وكايدنا خلي ينزل عا الميدان الشعر بدو جدعان مرتو سميرة ملبوكه بحب فؤاد محبوكه الله يبارك بالزوجين حبهم عا الراس والعين بس يمدوا هل قلمين لنسير كلنا عا الجنبين شوفوا الياس يا نور العين عشقان وصارلو شهرين بنت الجاره تاعبتو ولهان والدوا منين وينو ها الدكتور سهيل يشفي المرضى بابرتين يا غزيل يا بو الهيبة مرحبتين ومرحبا من يهوى فيك حارا وبالهواره اوقد نارا يلا يا جاره نزلي عا الحارا |
عالهواره الهواره
فؤاد دخل لمغاره سميرة ماسكا بأيدو وهوي يضرب حجاره وأثرو خايف من مرتو تتلم عليو نسوان لحاره عزمونا وهربوا مالهواره مافي رجال آه ياخساره ولي مايدخل عالهاواره راحت منو ياخساره شكرا شكرا ياسيمار والله ولهان بالجاره كل يوم تعطيني إشاره تاخدني عالخماره ونغني عالهوارة الهواره لحقولي بنت لجاره |
يلا الحقونا
الف مبروك هوارتك
وتتهنى بجارتك بس انا راح خبر نسوان الحاره قلي ليش اثرو يخاف من مرتو وانت ما بتخاف عامل حالك ديك زمانك ايه والله بس تمد راسها بالمنتدى تهرب لعند الجاره بسيطة راح افضالك واكتبلك غير هل هواره هلا روح تهنى بالجاره واغلق الستاره |
عالهوّارة الهوّارة شو داعي ضرب الحجارة و هالمعتر الياسي لك نصّوا داخل لمغارة ولما ردنا نطالعهو زعّلنا بنت الحارة ما عم يقعد أفندي صاير صارة ضوّارة كلما شي بنت تقولّو كيفك حطلا سنّارة يا نيّالك يا عمّي شغلة ما فيها خسارة بس لمن تيجي وحدة عندك لا بالقطّارة اعطيها وصفة تخربها وتسيها متل المسخارة يا سيمار الهوّارة ديري بالك م الغارة مافي داعي ضرب احجار ولا شاقولة وسنّارة غنّوا يا أفنديّة هاي جينا لزيارة عازمتونا نشكركن و عالهوّارة الهوّارة. |
عا الهواره
شكراً شكراً شاعرنا
دايره بالي من الغاره انا نصي تحت الارض والباقي مخبى بمغاره لا تخاف لا تخاف من الياس حكيو طيب وحساس خطبنالو بنت الجيران وراح يوديها زياره يلا نفرح لاخونا هيك الاهل دلونا نعمل حنا وشي دبكة وبعدها عرس وتنتهي اللبكه يلا جاوب شاعرنا |
ياهلا ومرحب بالأحباب.......
والملقى معاكم طاب نورتونا يا أصحاب بهالأفكار وبهل الأطياب السهرة مع الياسنا الحباب بتحلى أكثر ومابتنعاب وينك انت أم فرانس اكتيبي شي عالهوارة وتانسحر كل المارة بهالفن وهالشطارة وهللا بدنا نودعكن لنتفرج عالمبارا يارب المانيا تربح ونعلي هاي الراية وبخاطركن يالهوارة |
عالهوّارة الهوّارة يلا على الموبارة لازم نربح ونعلّي الراية بعد الخسارة مع إيطاليا الجبارة عالهوّارة يا جارة |
يلا يلا يا جارة ليش انت محتارا
بادلي فؤاد كلمات الحب وحليلو اشعارا وانسي كل شي اللي فات واعمليلوا من جديد زياره |
عالهوارة الهوارة
المانيا ربحت بجدارة الفرحة غمرت ديارا وكلينسمان وبكل شطارة رجع للكرة إسحارا وهنونا بحرارة بالمانيا الجبارة وألف شكر لكل من كتب في الهوارة وكل من قرأها |
عالهوارة يا هاوار 0000 من هيك شلة جبارة
ما يوصل حرفنا علخط 0000ألاّ وجانا الرد بغزارة البروكرام جميل جداً 000 تابعوا ------- سليم غريب - أبو سامر |
أهلا بالأستاذ سليم
تكرم عينك ياكريم وهللا نحني فالنعيم لربح المانيا المبارة وتنفرح كل الحارة وحتى انت ياجارة وعالهوارة الهوارة دبرها وخذلك سيكارة |
ام نبيل
مبروك الربح يا سمرة
المانيا تستاهل سواره هور يا بو الهواره والكرة كلها حضاره |
شكرا الك ياسيمار
عمرت كل الأديار والخير توزع عالأقطار ومعك تطيب السمار ياأغلى وأعز سمارة وهور يابو الهوارة |
عاهوارة لفؤاد
عالهوارة يافؤاد ---الله يسترك م الحسّاد
لكن فيك اربحنا --- وبالملاعب ياخسارة وصلنا وجلنا هاوارة ---وقلبنا انعصر اعصارا عالحكام البيبختين ---وعالعب الكلو قمارة وعالمدربين المجينين --ببدلو الغزال بحمارة ويخلو العالم تبكي ---وهني يقبضو البارا ومو نقدر نحكي اي شي --غير ثرثارةوهوارا وديع القس |
يسلم تمك أخ وديع
هني يحكو ونحني نبيع كلماتك اجت عالسريع وهيي صحيحة ويافظيع من هالعالم المريع وهور يابو الهوارة والكرة صارت مسخرة مافينا غير نتفرج بهالكرة المدورة اللي جننت العالم والربح الهم ياخسارة مايفكرو بالدراويش يفكرو بتجميع البارة يسلم حكيك وديع القس كلماتك هيي الحق وبس وهور يابو الهوارة حطو قيمة للختيارة |
عالهوّارة غنّونا وخلّي تضحك جفونا مينن ياللي يلومونا لمن ننزل عالحارة. الطابة صارت مسخرة بهالحكّام المنظرة صارت بيع ومشترى عم بيدوروا عال?ارة. الشغلة ما عادت تنفع قلبي وقلبك عم توجع يا وديعي يا مودّع الله يعين الإدارة. |
| الساعة الآن 12:13 PM. |
Powered by vBulletin Version 3.8.6
Copyright ©2000 - 2025, Jelsoft Enterprises Ltd
Translation by
Support-ar
Copyright by Fouad Zadieke