|
ميجانا وياميجنا وياميجنا
أهلا و سهلا شرفونا احبابنا قالولي ناس اجا الياس عاوينكو وقلبي انجرح وآل يا وينكو وأنا حبيت آجي لابيتكو بيت الحب والغنج يا وينكو أهلا بالياس وسيماروخلوهم بئلوبكو ياميت هالا ومرحبا باحبابنا أهلا وسهلا شرفونا احبابنا.. |
ياأهلا بكي سمورتي في صفحتي جئتي وجلبتي معكي سعادتي تشرف بكي أخوكي ألياس صديقكي فزيدي أغانيكي بالميجانا وسمعينا ماعندكي أنتي أملنا ونحن عطاشى منكي نرتوي خبري فؤاد حبيبي كي يمر عاصفحتي |
تكرم عيونك يااعز احباننا
وتخلي فوفا يغنيلنا ميجانا كلامك حلو ياأبو فرانس عالميجنا نفرح ونمرح بأحلىوأرقى اغنانينا |
غنّى الفرح الياس تا يشجيك ونادى الهوى موّال تا يهنيك صاحب نغم الله لا يبليك إنت الحبيب وروحنا نعطيك! |
أحبائي فؤاد وسمره
بكلماتكم تهل البشرى لاتتركوني ماعندي جمره أجت أختي سيمار لتحيي السهره |
سيمار زينتنا وفرح وسرور حشمة و أدب. أفكار عم بتثور كلما قريتُ إلها شي منشور بشوف العلم والفهم متل بحور! |
هاي سيمارنا يافؤاد بالكرم معروفه
أسألني عنها وأنا أعطيك أخبارها بيوم الضيق مابتشوف إلا سيمار قبالها هي موش مرة راجل بيقتحم جدرانها وان تطلب الفدى بتنادي نحن أصحابها صارخة طوالستان وينك وأحنا فداها |
ميجنا
عل ميج يا بو الميجنا
فؤاد والياس رب ربابنا وسمرة ريحانة حقلنا وفريده ورده خجلاني مننا يا بو الميج يا بو الميجنا ابو فرانس عامل شوي لكلنا يا ناس ريحة الشوي وصلت عندنا تاري الشوي طلع غنية ميجنا والله لكمل هالميجنا بس دق الباب والضيوف وصلوا لعندنا هات الشوي يا الياس نبيض وجهنا اياك تاكلو وتتركنا بجوعنا |
أوليك ياسيمار تعي وجيبي معكي أصحابنا
الشوي وكل أصحاب البيت بأمركم حتى أنا أنتي القمر مابننكسف منه لما بيطل بسماءنا ونغني ونقول أهلا وسهلا شرفونا إحباننا كل الشوي يخدمك ويخدم شوارب أصحابنا راح بنضل صيام لحتى مايجوا أحبابنا بس لا تنسي تجيبي معكي عرق من بلادنا لحتى مانسكر ونغني كلنا عالمجانا |
وين الشوي يا صاحبي لك وين؟ كلّو حكي مافي فعل يا زين لا أنف شمّ و لا رأته العين وينو دخيلك هالشوي ولك وييييين؟ |
لك بربي يافؤاد أنت معزوم
مع سميرة لحتى غياب النجوم بس الحقيقة موعندي وانا معزوم فيروز محضرة وقالتلي لكم أقول |
الياس عم يشوي ليل ونهار
ومايعزم حدا لانو محتار يعزم فؤاد..سميرة...واللا سيمار ويعملن سلطة لبن وخيار واللا ييعزفلن علىا لمزمار يللاتعو نروح عندو مشوار وهو دوما يرحب بالزوار |
شكرا إلك وللغالية فيروز بدنا نجي عا طلعة النوروز خليها تشوي بطتين بيجوز بعد الشوي نتفقّد اللورورز |
سموره وفؤاد وسيمار عالراس ولعين
لك شو شوي والله راح أدبحلكو خاروفين لك أنتو الغوالي ومنكو تستحي لعين لك أنتوا تعوا وانا راح أغنيلكم ياليل ياعين |
جيّتنا غالية يا فارس الفرسان وقعدتنا عالية بيعرفوا الإخوان نفرح نجيكم بالفرح عنوان إنتا أخونا و قيمتك أطنان! |
يافؤادي لا تسلني عن الهوى
قلبي بهواكم من جوا إنكوى بلقائكم يفرح قلبي ويزاد الهنى وببعدكم مسكين ياضهري !! والله أنطوى |
سلامة قلبك يا الياس حبيب الروح كل شي فداك حتى لو كانت الروح عيونّنا وراك وقلوبنا وين ما تروح الله يحرسك دايم وبسر محبتك تبوح! |
ياألياس يانور العين
اشويلنا دجاجتين ومن السلاط اعمللنا صحنين واحد الي وواحد لفؤادك وعبيلنا كولا قدحين وتنجي لعندك بالمنام بعد يومين لاتزعل منا وتنعطيك وردتين !! |
لك وينكو
ميجنا ويا ميجنا
فؤاد وسميرة ضحكو عا دقوننا تا يروحو عند الياس دون علمنا وياكلو سلطة ودجاج دوننا وين الشوي يا الياس شو مبين طار مننا جاي انا جاي لعندكم خبيلي شوية جاج فصحنكم وان ما خبيت يا الياس بزعل منكم |
عالميجانا الميجانا سيمار قالت راح تجي عندينا
لك بربي حفرش الأرض ورد من القامشلي لبابينا ولن .. أنتي راح نعطيكي أكبر صحن من صحونينا إلكي خروف مشوي وان ماكفى نشوي لكي قلوبينا فؤاد وسميرة لا تنسوا سيمار وأثرو أحبابينا بس قبل ماتجوا فوتوا أكتبوا على جدار زمن قلبينا راح أسقيكم عرق صافي من جوات عيونينا لحتى ماتسكروا ونغني سويا عالميجانا الميجانا |
عالميجانا وعالميجانا وعالميجانا الياسي يا وردة زمان بعمرنا قالت سميرة راح نجيك بنومنا لا تنخدع وتروح تنطر مجونا ما في نصيب ولا في وقت يا حبّنا خبّي دجاجك يمكن يجي غيرنا. |
عا الميجنا ويا ميجنا
منشان الله زعل فؤاد مننا والياس فارش الورد بدربنا كريم واصيل وفي مسافة بيننا كول الدجاج يا الياس صحتين نقلك من عندنا انفلونزا الطيور منتشرة في بلادنا نرجع للشوي والخرفان احسن لنا وين الغلمان شو ما في حدا يشوي لنا |
فؤاد مابيزعل منكي ولا من حد مننا
قلب نضيف متل قلبو مافي بيننا والكرامة والأصالة منكي إجت لينا راح أكل الدجاج والبط ياللي عندنا وبترك لسيمار خروف محشي برزنا وكل الشباب تحت أمركي وأولهم أنا |
كأنك شويت الخروف
وحياة ربنا ونحن نخدم كل الناس بمحبة ربنا كلنا عباد الله والتواضع ينبع مننا |
شويتْ يا الياس والا اشتويت نص مالك عالشوي باين عطيتْ رح نجي بالحلم لو إنت استويتْ يا حبيبي بالعزيمة و ابتليتْ! |
انتي ياسيمار هنيئا لك بأكلة خروفنا
بعدها تزدادي عشر كيلوات من عندنا أنتوا أصل التواضع بنحكي عنكو لجارنا وإحنا بنتفاخر فيكم ونرفع رأسينا =================== يافؤاد ألياس طول عمرو مشتوي متل لحمة الخنزير عالنار بينكوي أنتو تعو ولو بالحلم منه بيرتوي وبعد الحلم ممكن الحقيقة بتنجلي |
لك وينكو وينكو وينكو
الشوي برد عم بيستناكو فؤاد سميرة سيمار وأثرو صدقوا إذا ماأجيتو راس فرغ رصاصة براسكو وبعدها براسي واخلص منكو |
سلامتك يا ألياس يا بو الغوالي برد الشوي وما بقى يجي عبالي ولما ردنا كمان ما بق مجالي ضحكت علينا يا حلو يا غالي. |
لا تفرغ الرصاص
الان لنعش ونلاى ما يحصل بهل بلدان الشوي برد من زمان ونحن نسينا ذبح الخرفان وألتهينا بذبح الانسان مين الو قلب ليأكل لا يا طوالستان وفر فلوسك حق الطلقة صار يعادل انسان باي باي هاد قهر الزمان |
الرصاصة اطلقها عالبراري
تتقع عالجبل وعالصحاري وتنطلب من رب الأعالي يطفي نار الحروب الشعلاني ويرجع الناس لبيوتها بأماني |
فؤاد وسيمار:
أوليكو أبكولي لبكيلكو وعاجوات قلبي لحكيلكو وإذا ماأجيتوا ربي يخليكو أنتو أبكو وانا بعيد عنكو زماني جفف دموعي من عينيي كان تهطل أكتر مالمطر متل المي لالبنان ولا سوريا بكيو معي شوي لكن أنا عم بشاركهم وربي حي كلما غنيت بتركضوا علي وبحجاركن ترموني متل المي إذا ماأجيتوا ابكوا بس شوي شوي أنا ماني عايز أشوف بعد اليوم خلقتكن عندي بالحي مفهوم !!!!!!!!!!!!!!!!!!!!!!!!!!!!!!!!! إي لعما أتركونا بقى يا !!! الحرب صار متل السرطان كلما تقربنا عليه بيهيج أكترررر أفهموا أفهموا ،،ولا موش عايزين تفهموا ،، إي لا تفهموا !!!! طوالستان |
ياسمره أنتي كلماتكي متل القطرة
بتولد الفرح وتزيل الحسرة وإيه راح نعمل للبنان غير العسره لك كفى و تركونا نعيش لبكره |
الياسنا ياألياسنا الغالي
مقامك عنا عالي عالي تطلع معنا مشوار عالتلال تنشويلك الخروف وتنشربك من عرق الدوالي |
إي هيك يابنت عمي ياأغلى الغوالي
شويلنا خروف وحضري العرق وريحي بالي طب لو بكينا صباح ومسا وسهرنا الليالي ترى هل بنقدر ننقذ لبناننا الغالي وحياة ربي لبنان دائما فقلبي وخيالي |
لبنان دايم عالخاطر والبال
إخوة الملاعين أشعلوا الحرب وانقتلوا أولاد الحلال انقتلوا الأبرياء واختبؤوا الجبناء تحت المغاور والتلال!!!!! |
ياسمره ونحني ماقلنا غير هيك
ولي يجي منو خليه إيقدم ياللي إيتيق الحياة لعبة مرة هيك ومرة هيك بس الحياة لازم تمشي هيك ولا هيك |
أهلا بفادي الحباب
تعا واطرق الباب وأنا بشانك مشتاق لأنك أعز الأحباب |
اهلا وسهلا بالأحباب .... جيناكم و الملقى طاب
تنغني أحلى النغمات .... ل ألياسنا الواقف ع الباب |
أهلا وسهلا بطلتكم ...... والنغمة هي نغمتكم
والباب أنفتح بشوفتكم ..... ربي من الشر يحفظكم |
ربي يديم محبتنا .... ما أحلاها بغربتنا
و يهنينا بعيشتنا .... و يزيد علينا الأعياد |
| الساعة الآن 07:11 AM. |
Powered by vBulletin Version 3.8.6
Copyright ©2000 - 2025, Jelsoft Enterprises Ltd
Translation by
Support-ar
Copyright by Fouad Zadieke