يا فاهم حال الأكوانْ

و عارف أسرار الإنسانْ

بشو ممكن تِنصَح هالناسْ

العم يلعب فيها الشّيطانْ؟

مِنْ أوّل يوم انخلقتْ

هالدنيا و صار البنيانْ

كان الشّرّ يشدّ الحيلْ

و يقوّي مِنّو الأسنانْ

حتّى ينهشْ لحم الناسْ

و يدمّرْ خير الإحسانْ.

يا واعي و قاري بكتابْ

قوّي من روح الإيمانْ

و حاولْ تبعد عن فكركْ

شكّ و خوف و كل تعبانْ.

مجّدْ ربّك كلّ نهارْ

و كل ليلة ربّك حنّانْ

بيزعلْ منّك لو فكركْ

تاه بعيد يجيب أحزانْ

صومْ و صلّي و حِبّ الناسْ

و سامحْ لا تظلمْ إنسانْ.

يا سامع صوت الإنجيل

صوت محبّة, يا إخوانْ.